चिलिकन चोलोन को सेसेन तन,
जोकाव का बुजाव दइयोः तन।
सिरजोन रे नेया कोदो तोला कन,
इदु मनमि कोहते चि बइया कन।।
जनतु जनतु को जोपोम तन,
ओय ओय को जोपोम तन।
बिञ बिञ को जोपोम तन,
हाकु हाकु गेः जोमिइ तन।।
किलि मिलि जाति को तालारे,
एनकन चोलोन को मेनः गे।
एडकागे अदाव अयुम लेरे,
अको नं दो एसु बुगि गे।।
ओकोय दो समाए गोवारी तन,
ओकोय दो मुरतुइ बोंगा तन।
ओकोय दो मयोमेः जोरोए तन,
ओकोय दो दारू दिरिः सेबा तन।।
मिन्डो होड़ राजाए बइन तन,
दिसुम होड़ कोए सोसोन तन।
कुमा हतोम होन आंदिन तन,
गे कुमा तरा को कुलगियान तन।।
एटाः सः एते जन अगुन तन,
हुदा समाज करब चबान तन।
चिलिकन चोलोन को ओटंअगुन तन,
मनमि कोरेयो चि जोपोम होबन ?
दुड़ु-हिर्ला बुधन सिंह हेस्सा
