जाइ् जा: मेता बुवा एना गेबु मनातिङ तबा
𑢩𑣚 𑣚𑣄 𑣌𑣉. 𑢬𑣎𑣂 𑣚𑣈𑣑 𑣘𑣛𑣁𑣉 𑣚𑣈𑣔𑣁 𑣌𑣉. 𑢡𑣅𑣃𑣖 𑣚𑣈𑣑𑣁 𑣗𑣃. 𑢶𑣓𑣁𑣕𑣂𑣊 𑣆𑣜𑣂 𑣚𑣈𑣑 𑣗𑣃𑣁𑣙 𑣌𑣉. 𑢶𑣓𑣁𑣕𑣂𑣊 𑣕𑣗 𑣌𑣈𑣑𑣁 𑣗𑣃. 𑢯𑣈𑣓𑣄 𑣏𑣂𑣅𑣀 ?
𑢬𑣉𑣚 𑣖𑣃𑣜𑣃𑣌 𑣁𑣓𑣑𑣂𑣅𑣁 𑣋𑣃𑣜𑣃. 𑢬𑣉𑣚 𑣙𑣉𑣉 𑣌𑣉𑣁𑣙𑣄 𑣉𑣚 𑣘𑣛𑣁𑣉 𑣗𑣓𑣉𑣄 𑣁𑣄. 𑢶𑣆𑣓 𑣌𑣈𑣑 𑣌𑣌𑣚𑣁 𑣎𑣑𑣁 𑣗𑣃 , 𑣙𑣉𑣉 𑣙𑣅𑣖 𑣔𑣀 𑣗𑣓𑣉𑣄 𑣁𑣄.
𑢾𑣜𑣂 𑣅𑣑𑣄 𑣏𑣂𑣋𑣉 ?
𑢯𑣈𑣓𑣄 ?
𑢷𑣁𑣊 𑣋𑣈 𑣋𑣉. 𑢹𑣉𑣉 𑣏𑣉 𑣙𑣉𑣛𑣉 𑣌𑣎𑣂𑣆 𑣅𑣁. 𑢬𑣎𑣂𑣆 𑣕𑣓𑣁 𑣗𑣃. 𑢮𑣋𑣜 𑣚𑣈𑣑𑣁 𑣌𑣉 𑣎𑣋𑣜 𑣚𑣜𑣑𑣁 𑣗𑣃. 𑢩𑣚 𑣉𑣓𑣉𑣚 𑣔𑣙𑣋𑣁 𑣁𑣀𑣌𑣁 𑣕𑣆 𑣌𑣈𑣓𑣁. 𑢬𑣎𑣂 𑣎𑣋𑣁𑣜𑣈 𑣕𑣓𑣁 𑣗𑣃. 𑢮𑣉𑣜𑣊 𑣎𑣉𑣜𑣊 𑣌𑣎𑣂 𑣎𑣋𑣜 𑣙𑣉𑣗𑣓 𑣕𑣆𑣅𑣉𑣄 𑣋𑣈𑣅𑣁. 𑢹𑣉𑣉 𑣙𑣅𑣖 𑣕𑣆 𑣌𑣈𑣓𑣁 . 𑢶𑣈𑣓𑣄 𑣁𑣜 𑣕𑣆𑣓𑣁 𑣎𑣙 𑣏𑣃𑣆𑣚𑣁 𑣎𑣌𑣈𑣑 . 𑢽𑣁𑣞𑣕𑣜 𑣘𑣉𑣜𑣖𑣁𑣓 𑣙𑣃𑣅𑣃𑣄 𑣕𑣓𑣁. 𑢹𑣂𑣑 𑣓𑣖 𑣓𑣖𑣗𑣊𑣋𑣁 𑣌𑣉𑣓 𑣙𑣃𑣎𑣃𑣄 𑣗𑣈𑣓.
ओल् ल: को। कजि लेड् पड़ाओ लेदा को। अयुम लेडा बु। मनातिङ इरि लेड् बुवा को। मनातिङ तब् केडा बु। चेन: चियं ?
को’ल मुरुक अन्डिया गुरु।
को’ल हो’ कोव: ओल पड़ाओ बनो:अ् अ:।
मइन केड् ककला जडा बु हो’ हयम् दं बनो:अ् अ:।
सरि यड: चिगो ?
चेन: ?
बाङ गे गो। हो’ चि होड़ो कजिइ या।
कजिइ तना बु। जगर लेडा को जगर केडा बु।
ओल् ओनोल दहगा अंका तइकेना।
कजि जगारे तना बु।
ज्रोङ ज्रोङ कजि जगर होबन तइयो:अ् गेया।
हो’ हयम् तइकेना। मेन: अर तइना जह चुइला जकेड्।
शास्त्र पोर्मान हुयु: तना। हिड् नम नमबोंङ्गा कोन हुजु:उ् बेन।
ओतोल्ल् :- को’ल लको बोदरा।
सगइयन पुति:- हो’ हयम् पहम पुति 1985 ✍️📜
