दिलि लोगोन मते पोक्ता लेना;
दिलं उलं कोह गे सुलं लेना,
ओतोल्ल दुड़ु दुदुगर तिसिङ होबान तना।
उड़ीसा, झारखंड, असम को बु सेटेराकना;
हो’ हयम् सनागोम सगोम चा बु अरषल जोङ तना,
ओतोल्ल दुड़ु दुदुगर तिसिङ होबान तना।
पो’द षड़ा को गे बु पड़ाओय तना;
अयुम तनको दोबु रसिका तना,
ओतोल्ल दुड़ु दुदुगर तिसिङ होबान तना।
वारङ चिति लिपि दोबु हिलाते तना;
उड़िया, हिन्दी को गे बु नम तना,
ओतोल्ल दुड़ु दुदुगर तिसिङ होबान तना।
हो’ दोबु हिलाते तना ;
दिकु पड़ाओ रेबु ममारं तना,
ओतोल्ल दुड़ु दुदुगर तिसिङ होबान तना।
हो’ ते जगर मा बु गियु: तना;
हिन्दी, इङ्गलीश तेबु ममारं तना,
ओतोल्ल दुड़ु दुदुगर तिसिङ होबान तना।
इरिल हितड् नम बु दबिइ तना,
ओतोल्ल दुड़ु दुदुगर तिसिङ होबान तना।
दुड़ु, मरु, दुरुवा कबुव: तना;
एलबम, फिल्म कोगे बु बइ तना,
ओतोल्ल दुड़ु दुदुगर तिसिङ होबान तना।
WhatsApp, Facebook रे बु एप्पेरं तना;
हुदा मिमिड् कोदो कबुव: तना,
ओतोल्ल दुड़ु दुदुगर तिसिङ होबान तना।
एलाबु दोलाबु तिसिङ मिडेना;
सोदोरि हुदा रेबु जलंगि ना,
ओतोल्ल दुड़ु दुदुगर तिसिङ होबान तना।
दुड़ु:- कैरा सिङ बन्दिया
