हो हुदा दोरोम दोसतुर अलोबेन बागेया

ओल बढ़ाओ यन रेयोबेन
जा चिमिन डिग्री केड रेयोबेन
नाला नोकरी यन रेयोबेन
जा चिमिन मरं पाईटीयन रेयोबेन
हो हुदा दोरोम दोस्तुर अलोबेन बागेया हागंञ।।
हो हुदा भाषा संस्कृति अलोबेन बागेया मिसिंञ।।
पॉयसा टाका हुन्डि केड रेयोबेन
बाबा बिति हुन्डि केड रेयोबेन
पाका दोलन बाई केड रेयोबेन
गाड़ी घोड़ा किरिंङ केड रेयोबेन
हो हुदा दोरोम दोस्तुर अलोबेन बागेया हागंञ।।
हो हुदा भाषा संस्कृति अलोबेन बागेया मिसिंञ।।
सनिंङ दिशुम कोरे टाइन रेयोबेन
जप: दिशुम कोरे टाइन रेयोबेन
दिकु दिशुम कोरे टाइन रेयोबेन
हातु दिशुम कोरे टाइन रेयोबेन
हो हुदा दोरोम दोस्तुर अलोबेन बागेया हागंञ।।
हो हुदा भाषा संस्कृति अलोबेन बागेया मिसिंञ।।
सिपाही पलटोना कन  रेयोबेन
आफिस कोरे सायोबा कन रेयोबेन
उरीई मेरोम गुपी तन रेयोबेन
चासो पाईटी पाईटी तन रेयोबेन
हो हुदा दोरोम दोस्तुर अलोबेन बागेया हागंञ।।
हो हुदा भाषा संस्कृति अलोबेन बागेया मिसिंञ।।
बिति कोते रेंगे:ए  तन रेयोबेन
बिति कोते नाइकी तन रेयोबेन
दुकु दोरेया कोरे ताला मिसेकेन रेयोबेन
सुकु सुविधा कोरे ताला मिसेकेन रेयोबेन
हो हुदे दोरोम दोस्तुर अलोबेन बागेया हागंञ।।
हो हुदे भाषा संस्कृति अलोबेन बागेया मिसिंञ।।
दिकू जाति को लेका लेलो: रेयोबेन
हो जाति को लेका लेलो: रेयोबेन
हिन्दी कोते जगारे रेयोबेन
इंग्लिश कोते जगारे रेयोबेन
हो हुदा दोरोम दोस्तुर अलोबेन बागेया हागंञ।।
हो हुदे भाषा संस्कृति अलोबेन बागेया मिसिंञ।।
दुड़ु- SIKANDAR BURIULY