नुतुम कहानी “हो पहेलियां”

1. अइ सिरमारेन रेटेका बोदा मि कां’डागेः जिलुइया?
2. मियड् गंडु (चरपा) रेकिञ दुबा, जा’किञ एकेलनरेयों’ ककिञ टपाकिःया?
3. जियम बुड़ि एरा दुबुइरेः उजु-गवाकना?
4. गड़ा कुटि-कुटिते कुइड् जलातिञतना? (गड़ा कुटिते ला’उःला’उ:?)
5. पुंडि दिरि जिबोनाना?
6. मुंडाको ओवः रेयः बेलाको का तिपिरिञा?’
7. केड़ादोए: तोलाकना पगादो अतिआ?
8. रेंगे: याकनरेदो ओबोरतेः सेनेया, बीयाकनरेदो संडङतेः सेनेया?
9. मोए हो’तेको सियुःवा, गेल हो’तेको का’रः?
10. जा’एः सेनोःवा जेताएः सेनोःवा जा’नः कए: बोरोतेया, मेन्दो दःएः बोरोतेया?
11. मिडों’ पुंडि सिम बोंगा’इ एनाङेः मनातिञ?
12. जरगि-जपुड् एटेंटेयोड् मियङ्गः कटा’ना?
13. रो’ दरु बटियनरे सेपाइको निर-इड्-तबेया?
14. ला’ङ-लोपोर सेनाकड् दुदु मुंडा (कंड़ा पतोर) दुबाकन ?
15. गेल हो’को संगरकेना मियड् सरमको गोएःलिःया, मीपियड् कटा (बुलु) को होबायना?
16. नेन्दोर पीरे कुइ‌ङ्ङ्किञ लपा-लुड़िगेया? (नेन्दोर पीरे कु‌ङ्कििञ तेपेगातना?)
17. मिडों’ चेतनतेः इःरकाबेया?
18. कुबा दिदि बुलुङे असिया?
19. मिडों’ हुड़िञरे उपुनियाएः कटावोः वा, मरडेयनरेदो बरिया ओन्डोः हा’मेयन-बुड़ियनरेदो अपिया? (सेतः दो उपुनिया कटातेः सेनेया, तिकिनदो बरियाते ओन्डोः अयुबदो अपियाते?)
20. राजा’: पिटि का निः-दयोः वा? (राइकिन पिटिकिनदो रा’या मेनरेयों’ का रा’-दइयो:वा?)
21. अपन-अपनतेम बेलेजेना?
22. जियामः दोया कम देः-दइया?
23. नेन्दोर पीरे कोसोवा रा’एःयाकना?
24. ततामः बोतोएः कम मुका-दइयाः?
25. मियङ्-मियते जों’ वा ओन्डोः मिसाते मतावोः वा?
26. मिड्तःरे कंड़ा-उरिः किञ रःया सबेन हो’को सुसुना?
27. मियड् ओवः चेतनरेको सेनेयोरेया बितररेको दलेया?
28. नेन्दोर पीरे हति लाइः बोराकना?
29. मिडों’ अयः ओवः दोएः दुपिल-बियुरबा’या?
30. मिडों’ सिटिया रों’ दरुरेः दुबाकनोःवा, सेतः एते तिकिन जोका मयोमेः जोमा ?
31. ओचाम नेलिञतना?
32. राजा मइ एसुइः बो’:- बलेयाना?
33. सिरमातेको कटाया सुबातेको बो’: या?
34. मिडों’ होन अङ तोरसा जिलु बबा जिलु बबाएः मेनेया?
35. एसेल मइगेम चपुतइ चपुतइ?
36. डुमडुरिःते चा’कडा बनाकुःते बा’बः?
37. उपर (सिरमा) डिलुङ तोड़े चमचम ?
38. दरु चेतन मेरोम (बिज), मेरोम (बिज) चेतन दरु, दरु चेतन सदोम, सदोम चेतन सदोम, सदोम चेतन दरु?
39. मरः बेटेञ कुम्बू सब ? (मरः सुसुनतना कुम्बू तोलाकना?)
40. कोवालु चेतन लंडा लुंडु ?
41. हेबेयाकइरेदोए: रा’रः, का हेबेयाकइरेदो कएः रा’रः?
42. कटा’निः का कटा’निः ककाड़ीतना, का बो’: वानिः नेलतना?
43. मिडों’ सिटिया जा’ चिमिन मरङतेयः तुंडिरेयो’एः दुपिल-दइयः?
44. मिडो’ होन जोनोम तोरसाएः डोरा’कनोः वा?
45. जियम इसिनतङ् : कम जोम दइयः?
46. सरजोम (तिरिल) सकम मोःतना?
47. बरेकोदोको टोटा’कना मिसिकोदोको ए’राकना?
48. तिरि मिरि (चेःचेः, होन) ओए कंटुःगे एसुइः सिबिला?
49. मड् कोचा हेलोए-टेकोए?
50. मिडों’ होन लुतुररेः सबेना मुटारेः दुबा?
51. मिडों’ चेतनरेः सेनेयोरेया, बितररेः दलेया?
52. दुवर निःके रेगे पुंडि बिलाएको कोबोः-तबेया?
53. कुबा हड़ा (गुंडि) जा’ चिमिन तसाडेः जोमेरेयों’ कएः बीयोः वा?
54. / मियड् ओवः कुंटु बनोः वा ओन्डोः कको दलेया?
55. पुंडि दिरितः सुमड् इडातूइमे एनपा’दो अएःतेगेः सेनोः वा?
56. रःके’रेदोएः सुकु, कएः रःके’रेदो दुकु?
57. रपुड् ओवःरे कोःको सुसुनतना? (कुकुरु उन्डुरे को को सुसुनतना?)
58. करकोम बितर गा’यङ-गूयुङ ?
59. जङते जिलु पोड़ोमाकना?
60. मियङ्गे बुटालेना किलि-मिलि पता’?
61. जा’रे तोड़े ‘रेयों’ मुटारेगे टोटो:वा?’
62. मिडों’ दुवररेगेः लेःयाकः?
63. मिडों’ कुइतनिः अपियाएः सुपिडेया?
64. चेपेः चेपेः दःरे कड़ेया सेता ओबोराकना?
65. रपुड् ओवःरे तोराइको हका’कना?
66. सेतः तोरसा सेयोर-सेयोर?
67. कड्सोम बा’ सबेनको बा’या?
68. तरादोको ओबोराकना तरादोको सन्डाङाकना?
69. सिरमारेदो बिरला बलङ ओतेरेदो सः (पोः)?
70. मिडों’ जा’-चिमिन दःएः नूइरेयों’ कएः बीयो:वा (अंटेयो:वा)?
71. बिड्ता दिरि दुलता सुनुम?
72. सेनोःतन रेल (पसिन्दोर) गड़ि टकिः के’रेंगे मिड्रे कुवाना?
73. टङ टंगोर बितर टंगोर ओवः मेनः दुवर बनोः? (अटाटुवा बटाटुवा ओवः मेनः दुवर बनो:?)
74. चेतानें’ते एंगा दुमङ पो: केन्ते इयूः वा?
75. मिडों’ हुड़िञरेः लिजःना मरङरे: टोटा कनो: वा?
76. नेन्दोर पीरे डेबेरा हड़ा तोल-गोए: याकना? (अका-मका बिरको तलारे
डेबेरा हड़ा तोल-गोएः याकना?)
77. एंगा-अपुकिञ मिड्गे नुतुम, डेलका सिटिया तन्गा नुतुम ?
78. मिडों’ ले:रेगेः चा’पड़ः?
79. जीडाकनरेदो मियड्गेः नुतुमाना, गोजेयनरेदो किलि-मिलि?
80. मियड् मेरोम पुंडि बंगालारे हेंदे बयेरतेः तोलाकना?
81. सिरमारेः लुगाया ओतेरेः जरोमेया?
82. एंगादो रोदो-पोदो होनकोदो जूर-जूर?
83. तब-तू नोंगोड्-नॉगोड्?
84. मियङ् उलि इयुःयाना; अयुमकिनिः कएः सेनेयाना? सेनेयानिः कएः नेल-नमतडा? नेल-नमकिडिः कएः हलङकेडा? हलङकिडिः कएः जोमकेडा? जोमकिडिः कएः बीयाना? का जोमकिडिः बीयाना?
85. पुंडि गुटु जोका मोए हों’नको इडातूइया, एनपा’दो अएःतेः सेनोः वा?
86. मिडों होन सुरु- पुटु सुरु-पुटुतानेः ओड़ाकेनें’ते डेलका दरुरेः दुब-तबाकनोः वा?
87. बरो’ मिड्तःरेकिञ टइना मेन्दो ककिञ नेपेला?
88. तोलको कुदा रिबि-रिबि?
89. होरा-होराते हेंदे सुतम बोराकना? (नेन्दोर पीरे हेंदे सुतम बोराकना?)
90. अङ तोरसा डेके बुड़ि एरा दुवर (पिंडिगि) रेः दुब-तबाकनोः वा?
91. राजाको पुकुरि दः एसु सपः, नेन दःरे मियड् जान जोबोरा इयुःयनरेगे बोड़ावो:वा?
92. मिडों’ बुटा होराएः देःया, कोतो (चुटि) होराएः ‘दुना?
93. हतुदो हतु बइयाकना, बुरुदो बुरु बड्याकना, गड़ादो गड़ा बइयाकना; मेन्दो हतुरे हों’को बङकोवा, बुरुरे दरु बनोःवा, ओन्डोः गड़ारे दः बनोःवा?
94. गुज-गुञ पुकुरिरे मियड् जोबोरारेयों’ इयुः यनरे दः पइर-तबेना?
95. सेतः एतेः उनुमेना तिकिन एनाङेः ओं’: ला ?
96. मियड् सदोम अतिजरेदोए: रेंगे: वोःवा ओन्डोः कएः अतिञरेदोएः बीयाकनोः वा?
97. मियड् कुइतनिः अइ अटल लिजःतेः एरेना?
98. जलके’-चोटबके’ कोवालुरेगे दुब-तब ?
99. मुंडाको रचारे सेतः तोरसा डुरको डेकेमेना?
100. मिडों’ होन हेंदे बुरु कुटि-कुटितेगेः निर-बियुरेया?
101. नेन्दोर पीरे ससङ लिजः रो’वाकना?
102. डिब-डिबिरि डिबिरि बुसुःरेको गंडाया?
103. जु-जु होनको सेनोः पे जटि-लेकाञ कुवाना ?
104. मिडों’ सिटिया अएः सुमड्गेः संगारा, मियड् बुरुइः संगर-पुरा-तबेया?
105. चें’ चोड़ोइ पिचे चोड़ोइ बुसुः रेगेम तुकाया?`
106. इचः हकुको लिजःरेको पसे-उंडियाकना?
107. रों’ सदोम तेगाइरेगेः निरेया, अयेरपा’रे हों’कोएः नेलले’कोरेदोएः रःया?
108. दुबमे तताङ दरुञ रकाबा?
109. सिरमाएते राजाको रानीको सुसुन ‘दुनतना ?
110. ओवः एतेदो रेंगे:तेः सेनोः वा बुरुरेदोए: बीयोः वा?
111. हिसि बों’: हडेरेयों’ मि टेब मयोम का जोरोवा?
112. सुसुको चड़को मिड्यातेको बो:या?
113. जेटे सिंगिदौको क्रिमिनाइया, रबङ दिनदोको चपु-इनुङतीया?
114. होनकोदोको सेंगेर-सेंगेर एंगादो कुड्बङ?
115. अपुञ सेनोःयाना अइ सिरमा दः दरोमते, एंगाञ सेनोःयाना अपें’-मारि गोजाकन हो’ जीड्ते? – औवा दल
116. अड्या बा’रि लेकोः चेंडोः?
117. जेंगा सदोम बुसुःइः जोमेरेदोएः जीडोःवा, दःएः नूइरेदोएः गोजो:वा?
118. हेंदे गुटुइतेम नमीया पुंडि गुटुरेम गोजीया ? (हेंदे बुरुइतेको संगरले’कोवा, पुंडि दिरिरेको गेड्‌कोवा?)
119. जियम बुड़ि एरा ओ’: ल-बोलोम चपुतइ-चपुतइया?
120. मिडों’ सिटिया बंकुड़ः सोटा निदा-सिंगि का’-रेना’ए: बगे’या?
121. कमचङ कुमचङ सबेनेः जोमेया, पुंडिगेः इःईया?
122. मियड्गेको संगारीया, बरिया सेरेञरे एनङको गेडीया ? (मियड् रेटेका बोदा बरिया सेरेञरे एनङको गेडीया?)
123. बोलोरेदोमकिञ अतोमना ओं: लरेदोमकिञ गपातिया?
124. मियङ् गोंवारे पुंडि उरिःको सुमड् अदेराकना, निः ओ’: लकोरेदो हेंदे, पुंडि, अरः एमन एसु किसुम (किलि) को ओ’:ला?
125. होयोके’ गमाके चनब जोपो बुड़ि (डेकेरा बुड़ि, पिचु कुड़ि) दुवररेगेः दुब-तबाकनो:वा?
126. गेल हों’कोतेको साँ’गरा बरो’तेकिञ गो’-गोयः?
127. सबेनको सेनोः यनरेदोए: हब-रिकुबाकः, हुजुः लेनरेदोकोएः चा’बाकः?
128. जु होनको सेनोः पे कुचाकोतेञ गोजो: का?
129. चोंदाता चटु का नोलाडोःवा, तेनता चटु नोलाडोः वा?                                                                                                                                                                               130. लिन (लम्बुड्) पुसिः (तुलुइः) तबः गोए:?
131. मियड्को कुंटुइया, मोए हिसिको दुवारेया?
132. हुड़िञ-लेकन हो’ होलोङ एसुइः रूङ-दइया?
133. मियङ् पुंडि बोदा सेतः तोरसा दुबि कुटिरेगेः अतिञा?
134. हतु-सइरे सां’-सूं बिञकिञ सोपोदातना? (नेन्दोर पीरे सां’-सूं बिञकिञ तपाड़रतना?)
135. सिरमारेको कुंटुइया सुबारेको दलेया?
136. सिरमारेदो मेज-मेञ ओतेरेदो टोब?
137. हेरेरेदो हिता बनोःवा, जोमेरेदो जङ बनोःवा।
138. अङ तोरसा मियड् पुंडि बोदा बकाइः उइः परोमेया?
139. मिडों’ सिटिया सबेन हो’को मि सिंगिः हर-बियुरकोवा, अयुब एनाङेः बगेकोवा ?
140. सुनुम मटिया जूर-जूर?
141. मिडों’ हो’ मिड्तः एतेगे बरिया कोलोमेः होरोया?
142. मिडों’ जीडाकनरेयो’ ओन्डोः गोजाकनरेयो’ रूड्या?
143. तताम बइतङ् कोंडे: हके कम गोः दइयः?
144. मि पूः गंगाइ अता कम लेका-दइयः?
145. रिसा सिम अपारोबरेः जरोमेया?
146. गड़ा-गड़ाते सुजा सों’रतड्?
147. मिडों’ होन लुतुर डेराकी तोरसाएः दुरडेया?
148. मिडों सिटिया ओवः एतेदो हपातेः सेनोः वा ओन्डोः बुरुइः बेटाके रेदो एड्‌का जो’रे: ककालाया?
149. गितिल पीरे कुंवा बइयाकना?
150. मिडों ओङी मुतिडेः गेलोया?
151. बां’सि डाङ लियुड् हउको पोटोम पू?
152. एंगा मिड्तः रे टइना होनकोदोको निरा?
153. एंगादोए: मेडाना होनकोदोको कंड़ा’कना?
154. मंडि इसिनतन बोड़ो बोड़ो उतु इसिनतन कोड़ो-कोड़ो?
155. दःरेः टइना जा’रोमतेः ओ’: ला?
156. कटाएतेः सिंगारेना बो’: चुटा जकेड् सबीतेयः जगागे बनोःवा।
157. तताम पा’: तड् सा’न कम लेका दइयः?
158. मियड् हसा-बूरे अइया उंडु मेनः?
159. हेंदे उरिः गितिः याकन जेंगा उरिः जलीतन ?
160. मियड् अंडिया उरिः गड़ा-गड़ाते हुड्गां कनगे: टइना?

चेतनपा’रे एमाकन नुतुम का’निकोरेयः मानेको…..
1. गेंडा 2. उरिः (केड़ा) दिरिज 3. चला 4. तुल जलोम 5. जरोम 6. जरोम 7. ककारु जो’ ओन्डोः नइ 8. करा 9. करकड् (करकडेन ओन्डोः हुसिडेन) 10. जोता 11. गसिः ओन्डोः बेः 12. चतोम 13. इ: 14. ककारु (जो’ ओन्डो: नइ) 15. का’ड़ोब 16. बबा केतो हट: किञ 17. लेंडड् 18. जोजो 19. हो’ (बलेः होन ओम्बः अन, मरडेयनरे सेने, ओन्डोः हा’मतन-बुड़ितनरे टुकुब दन्डः अन) 20. हतानः जो’ 21. हउको कांटा 22. गिनिल 23. गुड़ हेरतेः 24. होरा 25. चटु 26. दमा-दुमङ 27. चुकू 28. बोंड़ो 29. होरो, गेंडा एमनको 30. अचालि 31. अरसि 32. बड्चोम 33. बदुड़ी 34. अचालि 35. बइ जो 36. बकारा 37. बदुड़ी (बदाड़ा) 38. बनाम 39. बाँसि 40. बिलाए 41. बनाम 42. चोके, बिज ओन्डोः का’ड़ोब 43. बिंडा 44. बिड़ि 45. बो: बले 46. पिका 47. निदिर ओन्डोः बुरदुड्‌को 48. बुरुइ जों’ 49. डियङ चला 50. चसोमा 51. चिदु 52. दटा 53. दतारोम 54. डोंगा 55. दटा (जोका) 56. गमा 57. गंगाइ अता 58. गसिः 59. गेंडा, सुंटिः 60. होरलोसि 61. गसिः (सोवन) 62. हुड़का 63. इटूलड् 64. जिम्बिरि 65. जोजो 66. जोनोः 67. लिजः 68. दलाकन केचोः 69. टुटि-सर, कुड्लम-गंएता 70. कुम्बड्. 71. इः 72. लिंडु 73. तोलाकन लुंगम 74. लुंगम इ: 75. मड् 76. तोलाकन लुंगम 77. मङ्कम, डोला 78. मरचि 79. मड् 80. तोलाकन लुंगम 81. मङ्कम 82. पोंड़ोसो 83. मङ्कम 84. लुतुर, कटा, मेड्, ती ‘ ओन्डोः लाइ: 85. जां’नः जोमेरे दटा जोका 86. मंडि चटु 87. मेड् 88. मेरोम इः 89. रोला मुइःको 90. मुता 91. मेड् 92. नकिः 93. नकासा (-सकम) 94. मेड् 95. नइल 96. पउन्टेन पेन 97. पेयाजि 98. पिका (मयङरे हेरसेडे) 99. पूः 100. रचम 101. रमतिया बा 102. रनु 103. लमः (रूङ जों) 104. रचम 105. नु 106. सगः 107. सइकल 108. टुटि 109. सरजोम जों 110. अःसर 111. सर-सर 1:12. सेनेयोर 113. सेंगेल 114. सर ओन्डोः असर 115. ओवः दल ओन्डोः बबा रोवा 116. सेता चड्लोम 117. सेंगेल 118. सिकु (नमी ओन्डोः टोके ई) 119. सिलपिञ 120. सेता (चड्लोम) 121. सेंगेल 122. सिकु (टोके ई) 123. सिलपिञ 124. सिम जरोम 125. सिम इः 126. सिकु-नम 127. सिलपिञ 128. सिञ-: जो 129. सोसो 130. सुलुइः 131. सुरपङको 132. सुरूइ 133. तोरोए: 134. तुकु (बबा रूङतनकिञ) 135. सुरपङको 136. टुटि 137. उड् 138. तोरोए: 139. उम्बुल 140. केड़ा मुटा 141. उरिः-केड़ा चड्लोम 142. केड़ा, उरिः 143. टोंटो बो: 144. इपिलको 145. मेरेल जो 146. गुंइसा हकु 147. रेडियो 148. हके 149. पुंगिड् (उंडु, हेरतेः) 150. रुतु 151. उरि-चड्लोम ओन्डोः गुरिः 152. मोः 153. रेल गाड़ी 154. हुःटिर 155. होये 156. एदेल दरु (जनुम) 157. सी गड़ा 158. बों: 159. सेंगेल ओन्डोः चटु 160. हकु अरेः।

स्रोत – हो दिषुम हो होनको – 7