हयम् दो सोदोरि (civilaization/सभ्यता) रेय: उनुरुम। हयम् रे इङ्गुल,कजि, ओल चि चिति लो’: लिपि षेंया तइना। दोष्तुर, हिताहसा ओन्डो: बाकणा जोड़ोङ अरसि – संङोम तियरो: अ:। मुनुव: कहनि मेन: , टुवर कसरा कोड़ा उपन लेना। पिल्चु हड़म – चोम्पा बुड़ि तिकिञे: तुउम लेडा। देवां तुरि अकिञ: होन हेरेल, अए् गे माङ ते ओल् रे लिपि – चिति षेंया एटे: लेडा। एन ओङ्ष रे गे हुउद् जोनोम् लेना। इनि: गे हुदा बइ उङ्कुड़ु लेडा। मुसुलमान कोव: कुराऩ रेयोह ओला कना। एन बोङ्ष रे बुदिष्तोय होबा लेना। संङोमे: तियर लेडा।
कैरा हइब्रु ओन्डो: हगाष्तोय बरोह चेला किञ तय। कैरा हइब्रु हिब्रू हयम् रे: पलटा लेडा , हगाष्तोय तमिल हयम्। ऋग्वेद रेयोह सकि मेन:।
हो’ हयम् दो होड़ो हयम् मेने रे पुर: बुगिना। नेनय तेगे ओत् रेय: हयम् अर सोदोरि कोतो (शाखा/Branch) कोदो । ओत् हयम् नम ह्बोङ्गा (अनुसंधान/Research) रे F. MAXMULLAR जा: कजि केटे: तडा।
ओतोल्ल् :- को’ल लको बोदरा। ✍️
