बारो बंका होराम परोमेरे,
नमा टयड अम नेल नमे गे।
ओकोन दिशुम होको तलारे,
सामा सुकु सुमं मेनः गे।।
बारो बंका बिर बुरू होरारे,
कुला को केसेडे तला होरारे।
निदा गुदा कम परोम दइ जति गे,
तिकिन सिङगि कोदो जा लेका ते।।
बारो बंका होरा बारा रे,
गाड़ि मोटोर कह नमोः गे।
सेन सेन तेगे होड़ परोमेगे,
मंन्डि पोड़ोम सब तेरसा केहते।।
बारो बंका होराम परोम तन रे,
हतियर कोदो बड सब तेरसाय मे।
जोजोम कुलाको अम केसेड मे,
हेसे कोमे अम मेरोम लेकागे।।
नेन होरा जुदी अम परोमे,
नमा दिशुम अम नेल नमे गे।
ओकोन तःअरे हो को सुवलगे,
एना दो हो कोवः दिशुम गे।।
एन तःअ रे अम नेल नमे,
हो कोःअ ओसोलि रूप गे।
दुपुब दोष्तुर मनातिङ गे,
मेनःअ को एसु रासा ते।।
दुड़ु-हिर्ला बुधन सिंह हेस्सा
