एसु हो को मेनकेडा “दोरोम”मेन्तेय: नुतुम गे हो जति रे क्ह तइकेना।
सरि चि अम्ब:
💥एसु हो को मेनकेडा दोस्तुर दो दोरोम दो क्ह तना ।
जुड़ुर गे नेन कजि रे अड् मड् चबाह कना बु🧠
तिसिङ दोरोम षोबोदो दो एनका अदावा।
#चिलिका चि लुकु नुतुम ती हो लोकनाथ को मेता:या।
#मेन्दो नेलेतन रेमा लोकनाथ नुमु दो अबु रे सिदेए तेगे बनो:वा।
एन्का गे दोरोम कजि रेयो बु हिणिया कना।
दोरोम कजि
अयर दो दाङ्, दों, दोहोम ,दोड़ोम मेनो: तना।।।
दोरोम दो चेन:?
दोस्तुर पुरा तेय: क्रुइड् गे दोरोम दोबु मेत:।
दोरोम दो दोस्तुर चले तेय: क्रुइड् (क्रिया पद्धति) तना।
👇👇👇👇👇👇👇
दोरोम = दोहोम (दांङ)अर रम।।
👇👇👇👇👇
👉दोहम केहते रमे तेय: गे दो रोम दोबु मेत: ।।👈
नेना गे सिङ्वोङ्गा: दुप्हुब सृजोन रेय: नियम दो।।
नेना चुइलव क्ह बोदोलेना।
💎दोहोम — एमे तेय:, रिकेह तेय:, बिडे तेय:,दोने
तेय:,। (अर्पण करना)
💎रम —- दनं ता तेय:, दलोब ता तेय:,हरुब ता तेय: ,
तोपै तेय:,बकइ चुरुइ। ( ढक देना )
दुप्हुब दोस्तुर पुरे लगिड् ते दोहोम रम दो नेलेका मेन:!!
👇👇👇👇👇👇👇
१..हिते जं दोहम (हेर/बिड) केह्ते रमे
(हसा लो:ते सी तोपै) तेय:।
२..एंगा होम्हो रे द: जं बइ जं(रज वीर्य) दोहोम टेब यन
चनब दुवर रम एसेडेना।
३..देयोवां को बोंगा बुरु तन रे दोहोम (पुञ्जि) केह तेय:
रम (हट: ते हरुब) त:को।
४..सिटिया कुचा केन ब्ह गितिल दोहोम (बुगि लेका रिका
केह्ते ) रमे (तोपा ता) तेय:।
५..गो:ए् मणा/ जं ,हसा दोड़ा रे दोहोम (रिका) केहते
रमे तेय: (तोपा ता तेय:)।
नेना कोगे दुप्हुब दोस्तुर रेय: दोहोम रम दो।
चिलिका बोंगा उङ्कुड़ुइ अयर ते कजियो: कजि रेयो दोहम रम (दोरोम)रेय: पोरताड़ अबुबू नेल दइय:!!
👇👇👇👇👇👇👇
🙏ओ’ङ जोह रम तिङ दोहोम।।।
१.ओ’ङ २.जोह ३.रम ४.तिङ ५.दोहोम।।।
👉👉👉३.रम ४.दोहोम 👈👈👈👈
दोहोम रम
ओकोय दोहोम रम क:ए उरुमेया एनि: दोष तुर क:ए दइय:!!!!!!!
🙏सनाम दुप्हुब हुदा रेन्को इका तञ पे नेन सेंयञ उदुब केर केड् लगिड् ते🙏
हिर्ला वारङ दड़े।
अपन अपिन समुदाय रेन्को अपन अपिन गे दोस्तुर पुरै नं दोरोम होरा को ओतोङ जोङाना।
