Ho Poem-Am bainme
अम बइनमे जिबोनरे येनलेका,
सिंगी, चन्डुः, इप्पिल को लेका ।
आको सेबा तन मनमी चिलिका,
ऐतोयेमे आको तःयते बुगिलेका ।
अम बइनमे जिबोनरे येनलेका।,
हाड़ि तन तेयाः दाःअ लेका ।
आयाः होरा आःए बइ इडे लेका,
अम हों गे बइ इडेम ऐनलेका ।
अम बइनमे जिबोनरे ऐनलेका,
दिरि सेरेङ आटेडा कन लेका ।
टेरे रेयोगे काये सेःरे लेका,
होयो तेयो काये डेकोडे लेका ।
अम बइनमे जिबोनरे ऐनलेका,
होरा कुटि रः बड़े दारु लेका ।
उम्बुलरे मेनाःको चिमिन लेका,
ओय चेणे चेरो बेरो का लेका ।
अम बइनमे मुःई टोन्टो लेका,
कमिको आचुन कुरुमुटु लेका ।
जाति बिति अमःदो बुगि लेका,
जोतोनेम जोरोङ तइन लेका ।
अम बइनमे मरंरे ऐनलेका,
सबेनको दड़ुः जोवाराम लेका ।
सनागोम सगोमेम बुगि लेका,
होरारे कम पुचुः एड़ःय लेका ।
बितियेम ।
ओल-हिर्ला बुदन सिङ हेसा: तिकिं ।