𑢡𑣀𑣋𑣃𑣇𑣜 𑣜𑣈𑣅𑣄 𑣗𑣋𑣁𑣓 𑣕𑣆 𑣌𑣈𑣓𑣁. 𑢡𑣀𑣋𑣃𑣇𑣜 𑣓𑣆 𑣜𑣈 𑣖𑣂𑣅𑣑 𑣋𑣆 𑣔𑣃𑣗𑣁 𑣌𑣓 𑣕𑣆 𑣌𑣈𑣓𑣁. 𑢫𑣆 𑣓𑣃𑣄 – 𑣓𑣃𑣄 𑣁𑣀𑣋𑣃𑣇𑣜 𑣜𑣈𑣄 𑣎𑣉𑣖 𑣌𑣈𑣓𑣁.
𑢶𑣂𑣅𑣑 𑣕𑣃𑣅𑣃 𑣋𑣆 𑣌𑣈 𑣓𑣈𑣚 𑣌𑣂𑣄𑣅𑣁. 𑢨 𑣙𑣅𑣁 𑣕𑣈 𑣙𑣂𑣕𑣁𑣙 – 𑣙𑣉𑣕𑣉𑣙 𑣎𑣓 𑣕𑣈𑣄 𑣕𑣂𑣀𑣋𑣃 𑣅𑣓𑣁, 𑣁𑣀𑣋𑣃𑣇𑣜 𑣎𑣉𑣖 𑣎𑣉𑣖 𑣚𑣋𑣂𑣑 𑣕𑣈 𑢨’𑣄 𑣖𑣉𑣓 𑣚𑣂𑣚𑣂𑣎𑣃 𑣞𑣈𑣌𑣁𑣙 𑣅𑣓𑣁. 𑢫𑣆 𑣙𑣃𑣛𑣂𑣊 𑣋𑣁𑣙𑣛𑣂 𑣕𑣅𑣊𑣈𑣄 𑣞𑣈𑣓𑣉𑣄 𑣅𑣓𑣁. 𑢷𑣋𑣓 𑣙𑣉𑣜𑣉 𑣕𑣓 𑣙𑣉𑣛𑣉 𑣒𑣈𑣀𑣋𑣁 𑣁𑣋𑣃 𑣌𑣈𑣙 𑣕𑣈 𑣗𑣈𑣒𑣁 𑣅𑣓𑣁.
𑢵𑣃𑣅𑣃 𑣆𑣖𑣂𑣕𑣀𑣉𑣄 𑣋𑣈 𑣕𑣂𑣀𑣋𑣃 𑣖𑣂𑣒𑣂 – 𑣖𑣂𑣒𑣂𑣅𑣁 𑣌𑣓𑣁. 𑢷𑣋𑣓 𑣙𑣉𑣜𑣉 𑣕𑣓 𑣙𑣉𑣛𑣉 𑣒𑣈𑣀𑣋𑣁 𑣕𑣖 – 𑣕𑣖 𑣞𑣈𑣓𑣉𑣄 𑣇𑣜𑣁𑣁 𑣅𑣓𑣁. 𑢵𑣃𑣅𑣃’𑣄 𑣁𑣁 𑣅𑣕𑣈 𑣇𑣚𑣂 𑣔𑣄 𑣙𑣂𑣜𑣁 𑣏𑣉𑣒𑣉 𑣕𑣓 𑣎𑣉𑣜𑣉 𑣕𑣓𑣁. 𑢨 𑣁𑣀𑣋𑣃𑣇𑣜 𑣎𑣉𑣖𑣈 𑣚𑣋𑣂𑣑 𑣇𑣎𑣈𑣓 𑣕𑣓, 𑣘𑣃𑣜𑣄 – 𑣘𑣃𑣜𑣄 𑣏𑣈𑣕𑣓 𑣜𑣈 𑣎𑣉𑣙 𑣁𑣌𑣓 𑣕𑣈 𑣌𑣄𑣈 𑣗𑣈𑣒𑣁 𑣔𑣆𑣅𑣁𑣑𑣁 𑣁𑣜 𑣌𑣒𑣁 𑣎𑣌𑣈𑣜 𑣇𑣎 – 𑣇𑣎 𑣕𑣈𑣄 𑣚𑣀𑣋𑣛𑣁 𑣎𑣓𑣁.
𑢵𑣅𑣉𑣖 𑣖𑣈𑣑 𑣕𑣂𑣜𑣃𑣗 𑣌𑣑 𑣕𑣈 𑣗𑣃𑣜𑣃 𑣗𑣂𑣕𑣜 𑣘𑣁 𑣕𑣈 𑣞𑣈𑣓𑣉𑣄 𑣅𑣓𑣁 𑣁𑣜 𑣖𑣉𑣓 – 𑣖𑣉𑣓 𑣕𑣈 𑣌𑣎𑣂 𑣌𑣈𑣒𑣈𑣄 𑣌𑣈𑣑𑣁 𑣏𑣂 “𑢳𑣈𑣓 𑣁𑣀𑣋𑣃𑣇𑣜 𑣔𑣉 𑣈𑣞𑣃 𑣖𑣉𑣜𑣉𑣈 𑣅𑣁”.
अंगूर रेय: बगन तइकेना। अंगूर नइ रे मियड् गइ दुबाकन तइकेना। गइ नु: – नु: अंगूर रे: जोम तना।
मियड् तुयु गइ के नेल कि:या। अए् हया ते हिताह – होतोह जन ते तिंगु यना, अंगूर जोम लगिड् ते अए् य: मोन लिलिजु सेकाह यना। गइ हुड़िङ गाहड़ि तयोङे: सेनो: यना। बगन होरो तन होड़ो टेंगा अगु केहते बेटा यना।
तुयु इमितंङो: गे तिंगु मिटि – मिटिया कना। बगन होरो तन होड़ो टेंगा तम् – तम् ते: सेनो: उरा’ यना। तुयुव: आ यते उलि द: हिरा – चोटो तन जोरो तना। अए् अंगूर जोमे लगिड् उज – उजेन तन, पुर: – पुर: चेतन रे जोह अकन ते कए् बेटा दइयाडा अर कटा जकेर उज – उजते: लंगड़ा जना।
तयोङ मेड् तिरुब् कड् ते बुरु बितर पा ते सेनो: यना अर मोन – मोन ते कजि केटे: केडा चि ” नेन अंगूर दो एसु मोरोए् या”।
ओतोल्ल् :- हिर्ला जगन्नाथ हसाद: ✍️
सगइयन पुति:- तुरतुङ गुरु एनेतोङ – इनितुङ (बुउ)।
