कबोय डोगोर-दिषुम कुड़ी
जयराकण्डा दिषुम कुड़ी अलोम बगेयाः
जयराकण्डा दिषुम सरी जयरा गेया
अमः लगिड दिषुम गोटा अलोम बगेयाः ।
दिषुम रे कुड़ी मोःए तन बड़ा लेका मोःएन मे
पुटाव बड़ा लेका पुटाव एन मे
अमः लगिड दिषुम गोटा अलोम बगेयाः ।
जयराकण्डा दिषुम टयड रे षयड मे
चेनटा चेटेर सरी कुनडेम मे
अमः लगिड दिषुम गोटा अलोम बगेयाः ।
डुलिड इनुङ जुड़ी सरी अलोम बगेयाई
अमः दुलड़ जुड़ी सरी अलोम बगेयाई
अमः लगिड दिषुम गोटा अलोम बगेयाः ।
दिकु जाति हर अतोम मे तन
कमि लगिड एटाः दिषुम अम सेनोः तन
अमः लगिड दिषुम गोटा अलोम बगेयाः ।
कमि लगिड को चकाड मे तन
दिषुम कुड़ी अम गे को अकारिङ तन
अमः लगिड दिषुम गोटा अलोम बगेयाः ।
अमः तांगी रे मेनः को एयं अपं
हुजुःह रूवाए मे अमः दिषुम
अमः लगिड दिषुम गोटा अलोम बगेयाः ।
अमः ताँगी रे सिंगी-चान्डुः हसुर तन
एयं अपं कोवाः मेड रे दः जोरो तन
अमः लगिड दिषुम गोटा अलोम बगेयाः ।
हरता हासा अलोम बगेयाः
ओवाः दुवार अलोम बगेयाः
अमः लगिड दिषुम गोटा अलोम बगेयाः ।
बितियेम
मनोज बिरूवा
बिरसानगर
