अबु सबिन गे को’ल बोङ्ष रेन्को तनाबु 𑢡𑢷𑢣 𑢾𑢷𑢢𑢳 𑢫𑢨 𑢬𑢩𑢺 𑢷𑢪𑢽 𑢼𑢨𑢳𑢬𑢩 𑢵𑢳𑢡𑢷𑢣

abu sabin ge Kol Bons renko tanabu

𑢧𑣛𑣂𑣞𑣁 𑣁𑣅𑣕𑣈 𑢷𑣂𑣙𑣁𑣜 𑣙𑣒𑣂𑣊𑣉𑣄 𑣕𑣓 𑣁𑣅𑣜 𑣏𑣓𑣗 𑣞𑣉𑣖𑣉𑣅 𑣜𑣈 𑣁𑣗𑣃 𑣙𑣉𑣉 𑣌𑣉 𑣜𑣁𑣎𑣓𑣂𑣕𑣂 𑣜𑣈𑣌𑣉 𑣁𑣁𑣀𑣔𑣃 𑣅𑣓𑣁. 𑢨𑣓 𑣆𑣖𑣂𑣕𑣀 𑣇𑣛𑣂𑣅𑣁 𑣌𑣉𑣌𑣉 𑣖𑣈𑣓 𑣌𑣈𑣑𑣁 𑣌𑣉𑣚 𑣞𑣉𑣛𑣁, 𑣌𑣉𑣚 𑣞𑣉𑣛,… . 𑢨𑣒𑣄 𑣙𑣅𑣖 𑣝𑣗𑣔𑣌𑣉𑣝 𑣌𑣉𑣜𑣈 𑣌𑣉𑣚 𑣖𑣓𑣈 𑣌𑣉𑣅𑣚𑣁 , 𑣞𑣃𑣌𑣃𑣜𑣂, 𑣙𑣈𑣀𑣔𑣈 𑣉𑣓𑣑𑣉𑣄 𑣈𑣖𑣓 𑣈𑣖𑣓 𑣉𑣚𑣁 𑣌𑣓𑣁. 𑢮𑣗 𑣓𑣈𑣓𑣁 𑣁𑣗𑣃 𑣙𑣉𑣉 𑣙𑣅𑣖 𑣌𑣉 𑣓𑣈𑣚𑣈 𑣕𑣓𑣁 𑣈𑣓𑣜𑣈𑣔𑣉 𑣌𑣌𑣉 𑣘𑣛𑣁𑣉 𑣞𑣙𑣁𑣕𑣂𑣊 𑣌𑣈𑣑𑣁. 𑢩𑣞𑣉𑣚 𑣌𑣎𑣂 𑣔𑣉 𑣌𑣉𑣚 𑣔𑣉 𑣖𑣂𑣅𑣑 𑣗𑣊𑣝 𑣕𑣓𑣁, 𑣘𑣜𑣂 𑣗𑣁𑣅𑣔𑣂𑣌 𑣘𑣂𑣜𑣂𑣅𑣑 𑣏𑣂 𑣘𑣃𑣜𑣗 𑣗𑣁𑣅𑣔𑣂𑣌 𑣌𑣁𑣚 𑣜𑣈 𑣌𑣉𑣚 𑣉𑣓𑣑𑣉𑣄 𑣁𑣜𑣅 𑣌𑣉 𑣚𑣛𑣆𑣅𑣓 𑣕𑣆𑣌𑣈𑣓𑣁. 𑢳𑣈𑣓 𑣞𑣉𑣖𑣅 𑣋𑣈 𑣌𑣉𑣚𑣁𑣜𑣂𑣅𑣓 𑣌𑣉 𑣖𑣈𑣕𑣄; 𑣁𑣀𑣋𑣜𑣈𑣈𑣎 𑣌𑣉 𑣓𑣈𑣓 𑣆𑣕𑣂𑣙𑣁𑣞 𑣌𑣉 𑣉𑣚𑣈𑣕𑣓 𑣕𑣆𑣌𑣈𑣓 𑣜𑣈 𑣆𑣖𑣂𑣕𑣁 𑣓𑣈𑣓 𑣞𑣉𑣖𑣅 𑣏𑣂 𑣘𑣂𑣜𑣂𑣅𑣑 𑣔𑣉 𑣁𑣜𑣅𑣓𑣂𑣅𑣓, 𑣌𑣉𑣚𑣁𑣜𑣂𑣅𑣓, 𑣌𑣈𑣜𑣗𑣁𑣛𑣂𑣅𑣓 𑣋𑣈𑣌𑣉 𑣌𑣎𑣂𑣆 𑣕𑣓 𑣕𑣆𑣌𑣈𑣓𑣁. 𑢬𑣈𑣜𑣗𑣁𑣛𑣂𑣅𑣓 𑣋𑣈 𑣌𑣈𑣜𑣗𑣁𑣛 𑣌𑣈𑣑𑣁 𑣌𑣉. 𑢳𑣈𑣓 𑣌𑣈𑣜𑣗𑣁𑣛𑣂𑣅𑣓 𑣏𑣂 𑣁𑣁𑣔𑣂𑣗𑣁𑣞𑣂 𑣌𑣉 𑣖𑣂𑣅𑣑 𑣌𑣉𑣚 𑣗𑣊𑣝 𑣜𑣈𑣓 𑣌𑣉𑣋𑣈 𑣕𑣓𑣁 𑣌𑣉.
उड़िसा अयते बिहार हटिङो: तन अयर चनब सोमय रे अबु हो’ को राजनीति रेको आंगु यना। एन इमितं उड़िया को मेन केडा – को’ल सोड़ा, को’ल सोड़ा…….। एट: हयम् शब्दकोष कोरे कोल मने दो कोयला सुकुरि, हेन्दे ओन्डो: एमन एमन ओला कना। जब अबु नेना हो’ को नेले तना एन्रेदो कको पड़ओ सा’तिङ केडा। ओसोल कजि दो कोल दो मियड् बोङ्ष तना, प्री वैदिक पीरियड चि पूर्व वैदिक काल रे कोल ओन्डो: आर्य को लड़ाईयन तइकेना। नेन सोमय गि कोलारियन को मेत:; अंग्रेज को नेन इतिहास को ओल तन तइकेन रे इमिता नेन सोमय चि पीरियड दो आर्यनियन, कोलारियन, खेरवाड़ियन गेको कजिइ तन तइकेना। खेरवाड़ियन गे खेरवाड़ केडा को। नेन खेरवाड़ियन चि आदिवासी को मियड् को’ल बोङ्ष रेन कोगे तनाको।

ओतोल्ल् :- को’ल दुर्गा बानसिङ ✍️

सग’इयन पुति :- कोल्हान सकम, लुकु संवत, कोल पञ्चाङ्ग, लिटा गोरगोणिड्।।।