Ho Kol Kaboy Huda Bered
आलोम कुसुड कुसुडा हगाञ
आलोम एरेल एपेरेला हगाञ
हुदा रेयाः दोरोम दोस्तुर ओआर रुआएमे।
बुडाओ तना ताम आमाः बिति
बुडाओ तना ताम आमाः उनुरुम
हुदा तला सगोमे लगिड हुन्डिचुरेन मे।
हिला तान को बाहचो तनको
हिसा तनको तिरसा तनको
एटाः कोआः पेःए तेगे को पेटेरसेंगेरेन तान।
पेटेरेन तान को पेटेरोआ
सेंगेरेन तनको सेंगेरोआ
हुदा रेयाः दोरोम दोस्तुर को उरुम केरे।
आकारिञेः कान किरिंञ सिडेकान को
एटाः कोआः तुल देंगा तान को गे
हुदा रेया बिति दो हगाञ बुडाओ चाबा ये तान।
दिशुआ को हार गोसेः मेताना
दिकु को दासि चितिरा मेताना
एकता एकतियार बानोः तेगे हगाञ बु टोःआ कना ।
बिति गे ताम दुपुब दोस्तुर
बितिगे ताम व्हारङक्षिति
जोमाः नुआः लेका हगाञ मुरुइ जोम मे।
मिड मोजोत बानोः तेगे हुदारे
सोमजाओ सपोमजाओ बानोः तेगे हुदारे
मिड गे पोरोब पोरोब जाके एग्ड़ा बिग्ड़िआ कान।
मुनुआ सेबे दो दुपुब रेयाः गे हगाञ
पोरोब पुनाइ यो दुपुब रेयाःगे हगाञ
दुपुब रेयाः सेबे चिकाते इगड़ा बिग्ड़ि यान।
मुनुआ सेबेबु मेनेया हगाञ
मुनुआ एतो बु मेनेया हगाञ
सेबे रेयाः बुटा काबु आदान तेगे बु एग्ड़ा बिग्ड़िआ कान।
स्रोत – दुपुब दोरोम