Ho Kaboy Dupub Dostur Horare
शिर्षक-दुपुब दोष्तुर होरा रे **************** ओल पड़व दिशुम यना सेयाँ मरसल होबा यना सोबेन हगा मिसि को मरबु उटाना।
अम ओकोय तनम हगाञ
अम चिनिः तनम हगाञ
दुपुब दोष्तुर आरसि कोरे नेलेजा रुड़ान मे।
दुपुब दोष्तुर बाकणा कोरे
हिताहसा सनागोम कोरे
अमः ममारङ नेलेजा रुड़ायेम दुपुब दोष्तुर रे।
दुपुब हुदा- दुपुब दोष्तुर
उदुबे तनाये सिदा होरा
ओकोन होरा ते जिया तता को सेनेजा हिजुः लेड।
बगे तनाम अमगे हगाञ
पोचाये तनम अम गे हगाञ
दुपुब दोष्तुर होरा दोम बागेया तु तन।
दुपुब दोष्तुर होरा तेगे
दुपुब दोष्तुर डहर तेगे
एलाःह हगा मिशिको बु सेनेजा रुड़ाया ।
दुपुब हड़ोम मेना कना
सुकु रसिकाम ताइ केना
बिर बुरु उम्बुल रेगे सुकुम ताइ केन।
बिर बुरु चबा यना
देशाउलि अमिङ यना
दुकु दोड़ा हुवाङ रेगे दुपुब दोष्तुर दो।
सिंञव्होगाः राका तड मे
महाबुरु जोतोन ताड मे
देशाउलि जयरा रेगेम जुम्बुलय उम्बुला कना ।
दुपुब दिशुम मरङ व्होंगा
लोर लोंगोर बुरु व्होंगा
व्होंगा दूरंतो कोरं कोते रसिका ताइन मे।
दुड़ु – हिर्ला डोबरो बुड़िउलि
❤️