रोवा केया आदेर:-
निराम तेगे पिया किसोम रेया: दारु ओपड् आगुओवा । 32 रोकोम पतह रेयाः चिटिकि बाइयो:वा । केया आदेरि दुवर समनं रे अपियाः दारु ओपड् (सरजोम, तिरिल अर सोसो) नेपा एनपा तेन्डेरा काएते तोल दटोम केहते तिंगु:वा । एन चेतन रे नमा चाटु रे ससं मंडि एमो:वा (ओकोना आदिं रेको वोंगाये लगिड् को मंडियाकआ एनागे चाटु रे एम केहते ससं जोका को हेर तआ).. 32 रोकोम रा: पतह रेयाः चिटकि ते दालोब के लोः ओतोरङ नाई ते आइ दाऊ (सात बार) कारे दो मिसा गे पाटु उरुइः तआ को । एन समनं रे नाहकाः हसा ते लुकु, लुकुमि तिकिञाः मुरतु ओन्डोः देशाउलि नुतुम ते बइना । लुकु सान बाहरिया कड् गे लुकुमि माँ सान दिपिला कड् गे ओन्डोः देशाउलि पुंडि हतियन मेन लेकाते हती रे दुबा कन गेको बाइयोःवा । केया तन को एन तेन्डेरा कन मांडि सेन बियुर नोओ केह तेको केया या । बानरे एन ससं मांडि सेन बियुर नोओ केएते ससन दिरि बारे ओवाः राचा ओन्डोः आये जाओ गिति दुब ताः कोये ते केयावआ । रोवा मिसा तोरसा बोलोवा ओन्डोः बोलोयन होरा सफा सफा उदुब बेना ।
मेन्दो नाः समाज रे एन्का दो काबु केया आदेर को तना । समा दुवर रे तोरोये: किचिल केड् ते टाटका को केयाये तना । एसु कोष्टो ते रोवा बोलो तना का ओ काये: बोलोवा चनाब ते व्होगा आदेरोः तना ।
#दुपुब_दोष्तुर
हिर्ला_वारङ_दाड़े
