Mai nelsenger ondo bui
ओते लेकाते….
चिमिन चिमिन हाय रे रिंगाः लेडा
लोसोड् बितार चोके दोरे दःअ ये दोकान केना,
चिमिन चिमिन हाय रे नकाल लेडा
बिर बुरु लेंडाड् दोरे सिमान मुका केना,
गेलबार सिरमा गोए रिंगा लेडा
लोसोड् बितर चोके दोरे दःअ ये दोकान केना
हिसि बार बोचोर गो एे नकाल लेडा
बिर बुरु लेंडाड् दोरे सिमान मुका केना ।
नेन दुरं गे – होमोह लेकाते…
चिमिन चिमिन माइ रेम डिंडा लेना ?
जो जो म कुला लेकाम केसेड कोआः,
चिमिन चिमिन माइरेम डांगुड़ा केना ?
क्रुञचु रिचि लेकाम काकड़ि कोआ
गेलबार सिरमा गेम डिंडा केना
जो जो म कुला लेकाम केसेड् कोआ
हिसिबार बोचोर गेम डांगुड़ा केना
क्रुञचु रिचि लेकाम काकड़ि कोआ ।
* ओरतो…. संजोकोये रेदो नेका पाहमोः तना । ओते बइ रे लेंडाड् गेल बार सिरमा ये जेः लेड् तयोम हासा दो तियार लेना । येनका गे गेल बार सिरमा आइश पुरायान रे एरा होमोः ग्लेबारोःह तना । येन गेलबार तायोम मेन कन गेल आपेःह सिरमा उंकुड़ु मुसिं येते एरा होमोः माँ चि एंगा बाइन आशाड़ा रे तेबाःन तना। मेनेरे पुराः पारचि आटकारोआः –
जोनोम लेनेःह ते आइ सिरमा बितार दो माइँ मेनोः तना ।
इरिल सिरमा येते गेलबार सिरमा जोङ रे नेल सेंगेर मेनोः तना । तयोम दो गेल आपेःह सिरमा उंकुड़ुइते ओमोल होबान तन ते हपानुम आशाड़ा बेटाना ओन्डोः इमितं इनिः बुइ मेनोआ ।
दोष्तुर लेकाते हिसि गेलबर सिरमा आइश (उम्र) आणान्दी कोणान्दी होबान ओड़ों कोआह संगोति जोङ इनिः कुइ मेनोः तना । येन कुइ होमोः पुंजि पोआ यान रे माँ चि एंगा दो काजियो तना । नेकाते मुनु अोनमान मेनाः हिसि बार बोचोर रे ओते रे दुम्बु दारू उँदुब ओमोन लेना । ओन्डोः कुइ होमोः गे येन लेका येन आइश रे जो जेहन रेयाः आंगिर लोः ते कुला लेका केपेसेड् ओन्डोः क्रुञचु रिचि लेका कापाकिड़ि रेदो कुरुमुटुन तना ।
नेका ते होनं हगेया बनाई (family planing) लेका जोका दो मइना कना हपानुमाः आइश हिसि बार सिरमा (२२) ओन्डोः सेपेःहडाः आइश दोँसि बार सिरमा (३२) रे आँड़न्दी कोणान्दी होबान रे होन गाणा कोदो बियार, पंडित, शोतोय ओड़ोः सुन्दर होमोः तेको पोकालि यो:वा ।
ओरतो दो नेना लड़का कोल हो होड़ो को दुपुब आइदाये तेगे मनोवा सेयाँ तला रेको जोनोम हुजुः लेना । सेयाँ तेगे को ताइकेना, हयम ओन्डोः संगोमोः ताई केन गेया ।
स्रोत – “ब्ह बुरु व्होगाबुरु”
जोवार