Ho Munda Kaboy sari chi bano
कबोय डोगोर-सारी चि बनो
सरजोम बा लिबय लिबय,
मुतुड मङदोल गे सोड़न।
बा पोरोब रे एसुम षुषुन,
गेना गडुअहा गेम जदुर।।
मगे रेदो एसुम मगे,
देशाउली गेम एरं गोदें।
दोष्तुर गे एन्का मेनःअ देरं,
चेनः अम दो मतेम चिकाय।।
हेरोः केन्ते बबाम हेरे,
अमः सल कुन्डी बेड़ा कोरे।
षुषुन अंएयम अकाड़ा रे,
दुरं तेला तेपेला केन्ते।।
पोरोब षुषुन जिलिङ ताड़ो,
जंगब सेने लेका गे नेलोःवा।
गुपुतुवा कन लेका गे नेलोःवा,
एसु जति रासां गे अदाःवा।।
तांडि पोरोब कोरे असारा पसारा,
कासरा कोगे जा जन इदिना।
संगि तला कोरे बबता एमाना,
गोतःअन गे मोन दो सुकुवा।।
हो पोरोब राः रांसा रसिका दो,
दिकु कोवः रेदो कागे नमोःओ।
षुषुन नं अकाड़ा अषड़ा कोरेदो,
सबेन गेको एला तेला दरोमोःओ।।
पिह तन्डि रे षुषुन हो कोदो,
ओड़ःअ बितर कोरे दो कको जुड़ियोःओ।
सिंङगि चन्डुःअ हो कोदो नेलको,
रांसा ते निकिङ दोकिञ तुहमन को।।
हो दिशुम रेन हो होन्को,
जाति इदियोः तनाको नःअ दो।
सिदा रे तइकेन षुषुन दुरं को,
आड मड चबा इदिइ तना को नःअ दो।।
दुड़ु-हिर्ला बुधन सिंह हेस्सा