Ho Munda Sonotoh kaji
हो मुहावरा
1. लुंडि: बोंगा हतिर-👉 लाइ: रेगे: (पेट की भूख )
2. मेनः रेदो हटः हटः, बनोः रेदो बटः बटः-👉 बिति नमा कारे एड़: बगे रिकाए, चबाकेरे: कंगाड़ावोः (जब तक धन-सम्पति है पानी की तरह बहाना और नहीं रहने पर हवा में मुंह खोल के रहना)
3. मेड् दअः जोरोए-👉 रसि दअः तेंड: (हड़िया से रसि को निकालना)
4. हसा गोःए “हसा गोः इचिः ” -👉 गोजोः (मृत्यु)
5. सरू सकम रे दअः दुले (ते का लोटावोः) – 👉कजि का गोनोङोः कजि समारे सेनोः (सुनकर अनसुना कर देना)
6. लिजः ते दअः गोंचाए -👉इसु पुरः कुटु ( बहुत कंजुस)
7. अरसि बुगिन बनोः – 👉मेड् का नेल जोम (आंख का अंधा या काना)
8. पुंडि रम्बा उतुई -👉 समा बुलुङते मंडि एमे (जोमे) – नमक भात खाना।
9. एटः कोवः गासिः ओङ बियुर -👉 अयुमड् कजि उदुब-बियर(अफवाह फैलाना या किसी बात को इधर-उधर करना।)
10. एंगा सेता लेका चड्लोम गपुई: -👉 बोरोए, लंडियन, पईटिते उसन (डरपोक, काम चोर, काम के प्रति ध्यान न देना.)
11. बिलाए लेका हउर तोपन -👉अपनः दोसो दनाङे (अपनी गलती को छुपाना।)
12. गेड्ता जिलु गेड्ता – गेड्ता, चिपाता मया चिपाता-चिपाता -👉कजि केड कजि गे नेका-नेका कजि उरा) एक बात को बार- बार दोहराना ।
13. मुयुको गुपि -👉होनको जर( बच्चों का देखभाल करना।)
14. रचको जोबोरायना, जोः लेयाबू -👉करकडेन तेय:(दातुवन करना.)
15.”सुइ परोमजनरे सुतम परोमगेया”-👉
मिसा होरायनरे एन्कागे सेनोः वा।
16.”चिमिनेम निरेया दोंडा जंगि मुडिरेम इयू:वा” -👉बिति मेन रे डिडिन हो’ मुसिजदोए आ’दुःगेया ।
17.”मोया गंडा बराबरि बनोः वा “-👉सबेन हो’ को मिड्गे बङकोवा, तराको असुलतना तराको रेंगे: तना।
18.”मोलोङरेयः दो कम चोटः जा”-👉जाइ:य मोलोङरे ओलाकनतेयः दो होबावोः गेया।
19.”डिंडा कुड़ि डोंडो चिरे मेरेल जो’ डोंडो”-👉मेरेल जो’ केड़े:ते का गोपोडाकनो:- लेका बर ओवः ते टइनतन एस कए: टिकावो:वा, बर ओवःते कुइको टइना।
20.”रेंगे: दो रेबेडेम रबङदो रूबुङेम”-👉रेंगे: यानरे हप’ कनो रेदो रेंगे: अएतेगे हपा ‘वो वा ओन्डोः रबङतनरे रूबुङ चि कुचनरे पुरः रबङ का अटाकरो:वा नेन लेका दुकु-तकालिप सा’तिङे.
21.”गउको डियङ बुसु: सेंगेल”-👉बुसुः सेंगेल अंजा’ नो: चबा-ताबो: लेका गउको ओवः डियङदो अंजा’ चबावोःवा, का बेटावो वा ।
22.”नेलतनिः बर बा’गा पइटितनिः मि बागा”-👉दुकु नेलतन हो’ दुकुतन हो’ यते पुरः दुकु नमेया।
23.”कड्सोम ब्ह’ चायला, बबा ब्ह’ रसिका”-👉लिजः तुसिङ ता’रे चेरा ने ‘ला मंडि-डियङरे रसिका नमोः वा।
24.”दिकु सकि (पुसि) जनुम बकाइ”-👉दिकुको लो: सपाकि (जुपुड़ि) दो जनुम बकाइरे बोलोवाकन-लेकागे जानुमा । सुकु रांसा का आदावोः वा; अपनः किलिं-जतिरेगे सपाकि जुपुड़ि बुगिना, एटः कोदोको चा ‘कडा ।
25.”हतु जपः एरा अलोम आ ‘गुवा ओन्डोः हतु जपःरे होन एरा, मिसि कुइ अलोम गोङिइया”-👉जप: तः मेन्ते जा’नः-जेतानः रेयो’ एसु कजि अयुमो वा ओन्डोः मा’न का नमोः वा।
26.”डियङ रेचा डुबुल अकाड़ारेचा बकाणा”-👉डियङ नुके’ तेदो दमा- दुमङ एषु रू: वा ओन्डो: सुसुन दुरङ-दइयो:वा ।
27.”हगाको ओवः दो इकिरा चि तेम्बेडा कञ नेलादा “-👉कटु हगाको।
28.”ओवः दो तम दोदोरो कजिदो तम पोन्दोरो”-👉ओव:रे जोमे नुइयः दो बनो वा ,मेन्दो कजिदो निमिन-निमिने बंदिया एन लेकान: लना’:ते, पुटाणि (चोबि) हो ।
29.”डियङ तिलकोदो अइतः को कंटुः वाना” -👉डियङ तिलतनिः दो सबिनतेको सब-उरा इते पुरःए नुझ्या, अड़या हो कोए: तिलकोरेदो अइ पु: इ: नुइया, गेल हो’ कोरेदो गेल पु:उ.
30.”कम एरा जोमरेदो कुचातेम गोजोः वा “-👉हो’ कोव: कनाजि-केकाते का एरा जोमरेदो हा’म तनरे एषु दुकु नमो: वा, अपनः एरा चि होनको के’यारेदो हिलि चि किमिन ओन्डो होन कुइ ओन्डोः गुंगुकोदो कको जो’तोना, गोएः तनरे कको सबा, आं जेड्ते कुचाकोते गो’गोजा।
31.”हगा बो’र (बयेर) कुमा केड़े:”-👉हगागे आंदि-बपालारे देंगातिनि: दो, ओन्डो: आंदि-बपालारे कुमा कोवः केनेटे: मेन: गेया; आंदि-बपाला हगाकोयते | बइयो: वा ओन्डोः कुमा कोते केड़े: योः वा।
32.”पदाए गुडिगे सङया”-👉एरङ-गों’दे नि:गे एमो एमेया ओन्डोः बुगिनो’ एः बुगिना ।
33.”सेन तारे बड्गे टो’ के:या, चटुको बड्गे तपाकिःयोः वा”-👉संगि ओवः रे पइटि चि जान: होरारेयो’ बड्गे कपाजि- एपेरङ होबा ‘ओ: गेया ।
34.“उरिः ते उरिः अड्जना गेल बर मुका पगाव अड्जना” -👉दोबोड़ि हानि, हानि चेतन हानि।
35.”अरेः चनाल दः सा’ सा’ ” -👉ओव:-दुवर एड्का – इचिको चि कुपुसुर-इचिको लगिड् मिडो’ कजिके रे कुरकुरो: गेचाएः।
36.”दसि पुसि (पसि, पसिर) रम्बा’ रसि”-👉मागे पोरोब रम्बा को उतुइया: दसिको बगेन सनङ रेदो रम्बा’ उतुलोः मंडिको एमा कोवा |
37.”हेर जेटे बबा चि पुड़ुवा (मुतुकुल) होन”-👉 हेर जेटे बबा बुटाना (होबा वो : वा) ओन्डोः मुतुकुल होन बुगिले मरङोः वा ।
38.”मिसा हलमड् जोम- सेबेयनको चिया बगेना “-👉मिसा नोंगोड् अटकरके’ को, मिसा ला ‘बो (लपा) नमके’को ओन्डोः को रिकाए गेया ।
39.”अञ चि बम्बुड्”-👉नमा एरा पे’ : पइटितनिः चि का’ एनादो नेललि एनङ अटाकरो : वा ।
40.“सदोम आ रे लगम मेन:, हो आ रे लगम बनोः वा “-👉हो’ को जहन कजि कको हपा दइयाः ।
41.”मेरोम आ रे चि ककरू सो ‘बा”-👉अयुमड् – नेलड्तेयः जीरे का सोया इद हो’ ।
41.”सुकुरि चि इःइ जोमे: बगेया”-👉
जा’नः एड्कनः सेबेयानिः जा’ चिमिन मनाइरेयो कएः मनावोः वा।
42.”कुला रेदोए: जोमकेडमेया बिञरेदोए : सोदाके इमेया”-👉जा’इ: जा’नः अए: जप: रे मेन:रेयो’ एः नेल-पोचाएतना ।