Mage Porob portal porman
Ho Society re Mage Porob portal porman होड़ो कोल हो कोरे सोबेन पोरोब् पोनइ सिरजोन चि प्रकृति लो:ते तोल सकिया कन मेन सेका:!
ओकोना चि प्रकृति अर होमोह लो:अ ते दुप्हुब दोष्तुर ओड़ोङ तुला मला लेका रे मला मेड् ऊतेरा।
लड़का कोल हो कोरे माङ उतेर पोरोब् दो मगे पोरोब् गे तना।नेन पोरोब् सबेन पोरोब् कोयते मरंङा अर नेया रिल म्ह रे पोराडेन तना।
चिका चि
१..अनादेर
२..गौम्हारा
३..ओते इलि
४..हे:ए सकम
५..गुरि: लोयो
६..मगे मरं
७..जतरा
८.हर बगेया
मगे पोरोब् मान मनातिङ दो सृजोन उंकुड़ रेन दुप्हुब होड़ो लुकु लुकुमि तिकिङ त:अय तेगे ओतोङाकन नेल नमो: तना।
अकिङ नेन पोरोब् गे माङ उतेर किञ मनातिङ उङ्कुड़ु लेडा।
चेन: चि नेया सिरजोन मुन्डि रेय: पोरोब तना।अर नेन पोरोब दोष्तुर रेगे मनोवा सिरजोन सेंया रेय: मुन्डि दो इंगुला कना।
सनाम बु अदान गेया सृजोने लगिड् माङ ते सिरजोन रेय: सेंया गोरोज उतेरा।
मनोआ सृजोन तेरसय लगिड् कुइ चि एंगा दोरकर गेया।
अन्डो: एंगा होम्हो रेगे सिरजोन बनइ गनइ रेय:पूऊ: चि कोञ्जा दो मेन:।
ओकोना चि ब्हगितिल बु मेत:।
अन्डो नेन पोरोब दो लुकुमिय: ब्ह गितिलै ते होबालेन ओमोल रेय: इंगुल गे ओकोना चि 8 दिन ( रिल म्ह )
रेय इंगुल मेन:!
नेन ब्ह गितिल रेगे बरिया टेब किङ मिषायने ते सिरजोन तियारेना।
मेन्दो पेए: किङ मिषन लगिड् ते एन पूऊ: रे ( ब्हगितिल ) रे एन केमटा capacity दोरकरा।
चिका चि बले: पूऊ:,चच: पूऊ:, मोयला कन पूऊ: अदो दुनुब बेगर पूऊ: ज्हन गोनोङ रे क्ह हिजु:आ।
एनलेका गे सृजोन लगिड् ते कुई होन होम्हो एन अइष (उमेर) बेटय तन लोअ् , अय: होम्हो पकोड़ोन दोरकर, अर अ:ए रे सृजोन रका जोतोन तेय: पेए:, अर सिरजोन तेय: कोञ्जा सपा षोयतन माङ अडि गोरोज उत्रंङा।
एना मेन नेन मगे षोब्दो दो मियड् कुइ होन चिका मई ते बुई ,बुई ते कुई बइयो: तेय: इंगुल गे।
नेन इंगुल ओड़ोङ नेले रेदो मियड् कुइ यन होम्हो रे ब्ह गितिल तियर चि सपा षोयतन कमि दो ” गेल बर ” षिर्मय ते उंकुड़ु एटेया कना।
ओकोना चि मियड् मइ होन रे ब्ह गितिल रेय: गेले ब्हर यने:ए ते उंकुड़ु एटे ना। ओकोना ओमोल ( ॠतुश्राव, period ) मेनो: तना। नेन ओमोल गे ब्ह गितिल (पूऊ:) रेय: जोबोरा दो।
सरि मेन: ओकोन कुइ होन रे ओमोल (ॠतुश्राव) बुगिते क्ह सेसेना । इनि: य: होम्हो रे किलि मिलि रोगा हसु उपानेना। अर इनि: लो:ते सृजोन पइटि बुगिते क्ह सेसेना।
एना मेन नेन सृजोन सेंया ( मगे ) गे माङ ते लुकुमिय: होम्हो रे सेसेन लेना।
नेया मगे चान्डु: म्लुउ: रेगे उंकुड़ु लेना।
नेन मगे पोरोब लुकु लुकुमि तिकिङ मगे चान्डु: रेगे किङ मनातिङ लेडा।
पोरमान लगिड् नेन दुरं रेय: ओरतो बु पञ्जा दइय:!
“सरदि रबं होलो होलो।
मगे चान्डु: बोलो बोलो।
गेले गेले बबा मता कन चिका लेयोन जोकोन तन!”
💗प्राकृति लेका ते ओर्तो पञ्जा लेए रेदो नेया ——
१..लुकुमिय: होम्हो रे ओमोल सरदि रबं इमिता माङ ते उंकुड़ु लेना।
२….ओकोन इमिता चि (मगे) चन्डु: नेल इरिन लगिड्
( बोलो बोलो) बले:ए् बले:ए गे:ए मुलु:उन केन्ते नेल इरिन तन:ए।
३…..ओन्डो एन इमितं बबा मता कन ते लेयोन जोकोन चबाकना।
🧠होम्हो लेकाते ओर्तो जुदि बु पञ्जाया एन रेदो नेया——
१…..ओमोल उङ्कुड़ु रे सरि गे कुइ होन रबं रुषु रुषुइया ओन्डो: कुइ होम्हो रेयाह गे टइना।
२….कुइ होन: होम्हो रे सेसेन ओमोल दो चांडु: प्ह नेनेल बु मेता तना।
३…..कुइ होम्हो रे चान्डु: नेले रेदो ( ब्हगितिल ) गेले गेले रेय: ब्ह ब्ह मता (ब्हर) यन रे नेलदइयो: अह।
ओकोना चि बिसि:इ मयोम लेकाते ओल्ला।
नेकाते पञ्जा यन लो:अ कजि केटे:यना चि नेयादो सरदि रबं होबयन लो: मगे चान्डु: रेगे मनातिङ दो।
ओकोन इमिता चि बबा मता ओमोल season दो।
नेकाते नेले तन रे अन्डो: मियड् दुरं तेबु पंञ्जा दइय:।
—– दिलि कुलञ बेन गो बारेञ।
दिलि कुलञ बेन गो बारेञ।
सग: सयूउ गुरचु:इ रे दिलि कुलञ बेन।
🧠प्राकृतिक ओर्तो दो नेया चि ——
गौम्हरा मुसिङ ओकोन म्हादेड् उरि: अकिञ त: हेज लेनते बुनुमे: उटुब पोङ्का केडा।
इनि: दो सग: सयु: ते गुतु टोपे लेना।
इनि: कुदा सुबा रे बुरुम यना।
तयोङ इनि:य सग: कोकिङ एंड: किइ:या।
एना मान मनातिङ तिसिङ गौम्हारा मुसिङ दियुरि रचा रे कुदा ओपड् जप: रे बुनुम जोका तैतेबु उटुबे तना। अर एन: उटुब तनि: सग: ते अचाली तेय: चोलोन मेन:।
नेया सग: सयूऊ दिपिलं मगे चान्डु: रेय इंगुल गे तना।
🧠 तोबे नाअ् दो होम्हो लेका ते मिसाबु पोरताड़ लेएगे——
मगे दिलि सोमय दो होम्हो रे सग: सयूऊ गुरचु:ई मेनकन होम्हो जोनोम कोञ्जा रेय उब् चि बले को ओल्ल जनेहते तेगे उंङ्कुड़ुना।
एना तयोम गे ब्ह रे इञ चि रोआ दो सरुब दइना।
नेकाते नेयाओ पहम यना चि मगे पोरोब दो संग: गुरचु:इ पटुन दिपिलं गे मनातिङो:अह।
नेन संग: रो चि बुड़ा बुड़ि अषाड़ा रे सिर्जोन कगे होबाना।
🌄🌄🌄🌄🌄🌄🌄
नेन ओमोल सेंया चबालेन तयोङ अरेह मायते अकिङ नेन सेंया इंगुल उदुब केन वोंगा बुरु ओन्डो: सिङवोंगा नुतुम ते सेबा षड़ा अर पोरोब किंञ मइन मरं केडा।
नेन ब्ह गितिल (पूऊ) रे कोवा अर कुई द: किङ मिषायन चि सेंगेल ओन्डो द: किञ मिषायन तेय: गे पोर्र (सेंगेल)ओन्डो: ओब् (द:) पोरोब् दोबु मेत:।
नेन क्रुइड् गे 🔥 लो + एंए् 💧( लो:ए ) दोबु मेत:।
नेन क्रुइड होबायन तयोम् ब्हगितिल रे तियर यन चिनडा: होम्हो रे रोआ सरुबेन तेय: अषाड़ा गे ।
( रुआ + जी ) चि”रुजि” दो बु मेत:। मेने रेदो रोआ केहते जी जीड् तेय: कोञ्जा गे रुजि दो।
एना मेन मगे पोरोब् रे रुजि ओन्डो: लो:ए सगइ रे बिसि:इ बिटल कजि परचियो:आ।
☝️ मुरुको को तिसिङ नेया हिलेङ मेड् ते नेले तना☝️
हिर्ला वारङ दड़े ☝️🐆🐅
