Ho Samaj Jonom Dostur ka vistrit jankaree
- Jonom Dostur जन्मजात (जन्म संस्कार) – प्रसव के तीसरे दिन नियर(पहला कमान) से कार्य उपयोग माने जा सकते हैं /
- ब्हागितिल(बच्चेदानी) घर के पीठ कुन्डम मुतुल में दपना ने का नियम है वर्तमान बहुत सारी स्त्रियां का अस्पताल में प्रसव हो जाते हैं यह संस्कृति का विरुध्द कहा जा सकता है /
- प्रथम संस्करण से ही सर सिदुब (तीर रखना) की कार्योपयोग किया जावें/ शिशु कि नाभी गिरने के नवमें दिन तबा: चटु (नरता) का कार्यक्रम उचित माना गया है “जिसे जुटिड् नियर भी कहा जा सकता है /
- 21 दिन में तिकि एड़: (एक्कसिया) अनिवार्य है सांस्कारिक व्यक्ति ही इस संस्कार के भागी माने जा सकते है एवं नमकारण किया जाता है /
- साकि सिर्पा (उपहार) समय और परिस्थिति के अनुसार लेन देन होता है/
- स्रोत – Kol Rules
- जन्म-जात (जन्म-संस्कार)
- 1. प्रसव के तीसरे दिन “नियर” (प्रथम कमान) से पिता कार्योपयोग माने जा सकते हैं।
- 2. प्रथम संस्कार से ही “सर-सिदुब” (तीर रखना) की संस्कृति कार्योपयोग किया जाए।
- 3. प्रसव के नौवें दिन शिशु की नाभी गिरने के बाद तबः-चाटु (नरता) का कार्यक्रम उचित है। और उसी दिन से माँ सिन्दुर दान को कर्मयोग करेगी।
- 4. नरता से 21वीं दिन ‘तिकिएड़ः’ (एक्कीसिया) अनिवार्य है।
- 5. कार्यक्रम का सम्मान अल्ता और सिन्दुर दान से बड़प्पन दिया जावे।
- 6. संस्कारित व्यक्ति ही इस संस्कार कार्यक्रम के भागी माने जा सकते हैं।
- 7. आदि संस्कृति के योग पर नामकरण का कार्य सम्पन्न उचित है।
- 8. यह जन्म उत्सव खूब शुद्धि और धूम-धाम से मनाना अति आवश्यक है।
- 9. समय और परिस्थिति के अनुसार ‘साखीसिर्पा’ (उपहार) शक्तिस्वरूप लेन-देन किया जा सकता है।
- सौजन्य से – कोल रुल
षिरजोनः षिरजोन पुरा लगिङ् बरो कुलगिया किञ बरिया पोआ मिड के तयोम एरा होम्हों पा (बरजी) रेः तेई यनेए ते अरेह (9) चन्डुः गेल मह पुरय-पुरय सिटिया जोनोमोः तेयः लोगोन तेबाःना। सिटिया होबाओंः तेयः नेहग लोगोन सेटेर यन रे हो कोअः दोषतुर गे मेनः चि बरजिइया कनिः रेयः लगिङ् ते कउ-बउ तन ओअः रे मेनः तेयः चटु-लुन्डिः ओन्डोः जान-जेतन सोबेनः गे सदय को पइटि गिनिस को एन मन्डोअय तेको अतोमेया। जुदि बिसिः (अपवित्र) तलायना एन रेदो अको को बिसिः मिसाओःअः एनकरे ओवः गोएः को (हाम-हो-दुउम हो) हिलंओःअः ओन्डोः को हातिरा। ओड़ः रेन को सबिन कको बिसिः तलाना। अकिञयः होन को जुदि निर बाय लेकन को मेनः एन रेदो ओड़ाः रेन मिसि कारे हतोम बनरेदो अकिञः एंगा-अपु कोगे जोगाओ किञः।
चिमितं गे शिशु-डुला नेन दिसुम रे कटा तेगा चोटेः गेः रः षड़िइया, एना अयुम के जके ओअः रेन को दन्डः सब केहते ओड़ः-दुअर, सिलपिङ समनं को रू-तम ककला नोः ताः। जुदि ओअः रेन को जाइः जा बंकुह एन रेदो अयः हेरेल गे तम ककला नोः ताः। इमिते नेया गेको कजिइया चि-जा चुइला को अलोकएः बोरोय, अलोकएः बेटेंओंः। जा उलं एन सिटिया हरा-मरं यन रे निदा-गुदा सेन होरा-कोरे, कजि कपाजि तन कोरे अलोकएः बोरोय मेना ते नेलेका को पइटिड्या।
शिशु सिटिया जोनोमेयन तयोम ब्हा गितिल गसर यन रे बुटि हड् को तेयः चोलोन मेनः। बुटि जान मेएड रेयः कतु कोते कको हड्या, मेनदो गंगइ चरिः का रेदो मड् चरिः तेको हडेया। चेनःचि नेया सदय गे ओड़ः रे तयःअः ओन्डोः को सइतिबा जोम गेया। सिटिया होबायनेह ते व्हा गितिल (तुका) गसारेयन तयोम होनः बुटि दोको हड्या। बुटि होनः मुकुइ जोङ जिलिङ रे सुतम ते तोल केसेड लेह तेको हडेया, चेनः चि पुरः दुङगुइः रे हड केह रे लइः कोते बोलोअः अर गोनोएः को होबा दइ योःअः। सिटिया होबायनेह ते जोका निदा रे चा सेताः रेयो को तोपाया। नेया बुगि लेका ते कलगि रे जोगाओ केह ते ओअः मुतुल कुन्डुम रे मुकुइ जोङ उर उन्डु लेह ते हैं जोका एम केह तेको तोपाया। अर एन चेतन रे हुड़िङ लेकन दिरि तेको तेनता सिटिया होबायनेह ते चिमिन दिन लेका दो होनः एंगा जानःओ कएः सहबा। कोड़ा गे सेङगेल तिङया, दः लोलोय अर मंडि-उतुइया, जवओगे सुनुमि लगातिङा मेन्दो जा कोरे मेनःइया एन रेदो जाइः रेयो तिकि एड़ः का होबा कन जोङ दो नेलिइ ते लगातिङ।
सिटिया होबायन गपातेर अं चपं तुर-चपं सेतः रे गुयु चि जमडा नुतुम ते मियड् सरजोम करे लिम दरू रेयः ओपड मः अगु केह ते कुनडम मुतुल पा रेको तेनडेर तः एन तः रे एङगा अर सिटिया ओड़ा उमेना। हतु सइ होड़ो को एना नेल केह रेगे को सोमजाओः चि अकिङ पुयुर होबाना। एना ओपड दरू तिकि एड़ः चि एकसिया मुसिङ को रउ एड़ःतः।
– होन होबायने ते अपेह मह रेदो नियर एड़ः होबोना। नियर एड़ः लगिड् ते ओअः गोएः हाम ‘हो’ दुउम ‘हो’ को बोंगा नं मियड् चटु डियं को बईया। सेतः-सेतः सिटियाः बोओः बाले होयो रचामिया ओन्डोः एन बोओः बाले, दः मियड् चुकुदिः रेकिङ रिकाया अर सुनुम मियड् इपन रेः इडि केह ते बान्दा करे गाड़ा रे ओड़ा-उमेन तेः सेनोःअः। दः ताः बेटा केह ते बोः बले एमा कन चुकुदिः दाः रेः बुअंल ताः ओन्डोः ससं जोकएः आदु ता लोः कजिया चि-” हे नगे एरा-बिंदि एरा को सिंइः यना पे, सोअन यना पे, तिसिङ दोञ ओड़ा-उमेन तना, अला पे हिलं तिञ, अला पे बिचर तिञ नेः ससं कोञ एमा पे तना, तिरपि एड़ः उम एड़ः अन पे”। एन लेका गोहारि कजि केहते ओड़ा-उम केनेह ते ओअः हुजुः हुरा लेन तयोम डियं को चलाया। एना अकिञ मेनः मन्डोअ पा रेगे हाम-हो, दुम हो कोको ब्होङगा :
“औङ जरम तिङ दोहम, अपे सनाम हपड़म को तिसिङ अं-चपं तुर-चपं ओड़ा केन-उम केन ते सेबा गेया, सड़ा गेया। नेःएंञ एमा पे तन चेडा पे तन तेला जोम, अतं जोम पे. तिसिंडे ते अलो पे हिलं तिञ अलोपे बियर तिञ अः, अपे सिंइ यन, सोअन यन गेया पे।” मेन लेका गोहारी के ते हाम हो-दुउम हो को डियं को बोंगा कोआ। नेन मुसिङ दो अपुःअः बिसिः चबाओः अः। नेन मुसिडे ते सिटिया गितिः बोः पा रे सर को सिदुबेया। सर सिदुब लोः गे सिटिया अबु मनमि को तला रेः लेका मिसाओःअः ।
सिटिया होन होबायनेह ते अरेह (9) मह दो नरता को मेतः। एन उलं होनः विसिः चबाओः अः। नेन मुसिङ हों एन नियर होबायन लेका गे पइटियोःअः। नेन अरेह मह बितर रे बुटि गसारेना । नेन मुसिडे ते सिटिया दो जाइः रेयो को हेबे-कोयोङ दइयाः। नरता होबायने ते हिसि मिड (21) दिन रे, तिकि एड़ः चि एकसिया को मेतः। एन मुसिङ दो सेतः अयते ओअः-दुवार को गुरिः परचिइया। अकिञ तइ केन मनडोआ को जलोम-सरिलेया। गुरिः सेका यन रे लिजःको को तिकिझ्या ओन्डोः गाड़ा बनरेदो बांदा रेको तपः सपाया एन मुसिङ गे सेतः रे अपु ते सिटियाः बोः बालेः होयोइया। नियर एड़ः लेका गे एन बोः बाले गाड़ा चि पुकरि रेकिञ बुअंल ताः ओन्डोः किञ ओड़ाना। ओड़ाः रूआ लेन तयोम अकिञ को जति किञ लोः होनोह को जतिइया। एन तयोम होन अदिङ तेको कोयोङ अदेरिया हाम हो-दुउम-हो को डियं-मंडि को बोंगा कोहा। एन तयोम एन तः सेटेरा कन हगा ओन्डोः कुमा-हतोम को दिलिया तन को होनः एंगा ते नमा लिजः को तोलिइया अर एंगा गे एन हुजुःअः कन कुटुङ-कुपुल कोए तिल कोहा। तिकि एड़ः मुसिङ दो होनः एंगा ते अदिङ रेको मंडि इरिइया। नेन मुसिङ ते अयर-सिदा को तइ केन लेका मिड रेको दुव-तिङगु दइया।
एन गपातेर गे सेतः पं होनः नुतुम को तुपु नमेया। समा एनका ते जाइः रे कको नुतुम कोहा। मेनदो दोषतुर अड़ोङ मियड़ कांसा रेयः मुता कारे ताणि रे दः पेरेः तयड को जोगावया। एन रे बदोर रम्बा, चउलि अर दुबि तसडको अको गुसटि रेनको नुतुम कजि केह ते मुता दः रे एमे तन लोः सिंहबोंगा तः रेको गोहारि-कजिइया-” हे सिंगबोंगा सरि तेगे नेन होन पलना नुतुम गे सनं तन रेदो चउलि जं-रम्बा जं दुबि तसड लोः जुड़िन चा। मेन लेका कजि केह ते मुता दः रेको चुडुइया। एन लेका ते सिटिया लोसिव-रांसा होबायन रेदो सनाम रम्बा जं, चउलि जं अर दुबि तसड मिड रे जेरमेएड गतिन चि जुपुः। एन रेदो नेन नुतुम गेः रांसाडाको मेनेया अर एना गेको नुतुमिइया अर सकि होबाना जुदि का जुड़ि यना एन रेदो ओन्डोः एटःइयिः नुतुम कजि केह ते दुनुआ चउलि अर रम्बा जं को जुड़िइया। एन लेकाते का सकियोः तन जोङ अइ दुनुआ जोङ को नेलेया। मनातिङ लेका ते तुपु नम ते सकि चि नुतुम को तेयः हो जति कोवः चोलोन तना।
एना मेनते हाम हो कोरे बोंगाय रे कजियोः अः चि मरं सिदिउ, हुड़िङ सिदिउ मरं माजि, हुड़िङ माजि मेन लेका नेलेकन दोषतुर-चोलोन को हो जति कोरे मेनः। चिरगल (सावधानियाँ)-सिटिया होमोह पा रे मेनःए रे एङगा सिंगि चन्डुः किञ गरूइ होबह कनः को कह नेहल तेयः, अपिरेन तन अगोमरि (एरे) को कह नेल को तेयः, बुः चटु को कह केहसेड तेयः चुला कह तापः तेयः कटेया/ चुन्टिला उन्डु को कह केसेड तेयः, जिलिङ ते बोरा कन बयर रेयः, बोड़ रेयो, सेनेयोर रेयो, जंगि रेयो, कह तहयोम तेयः एन रे तेगा केहते परोम तेयः बुगिना जरकह कन जोह को चि दका, पतह को एमन हपा ते का इडि तेयः। जानः इसिन तन रे दोया पा रे लिजः रे का जोडेन तेयः चउलि चपि केह ते टुङकिः ते जोरो इडियन तेयः दः होरा का तयोम तेयः। एनका गे एरा होमोह पा तड रे अयः कोआ षिम / मेरोम को एमन का गोहगोज तेयः।
बलेः होनन एंगा दो सुनुम इसिन तेयः जिलु को, मोरोएः तेयः को का रेनाह जोहम तेयः। उरगुम ते मंडि दो जोमे तेयः ओन्डोः मिड सिङगि रे मिसा गेः जोमेया एन दिपिलं कुड़ति उतु, कुड़ति रसि नुइ तेयः अपिया उपुनिया रसुई ओचोः केह ते जोमे तेयः बुगिना। नेना को जोमे रे एंगा बलेः /बेरेल होमोह लोलो गे तइना। लोलो गे तइन रे सुनि का नहमा। मिसा-मिसा होन को पुनिया कनेहते को जोनोमयन रेदो जनसिङ ते बनरेदो टेः रेएड रेयः नइ ते सकोम तइ रे पुनि हसुइ तेः बुगिनोःअः। निया होबायने ते होनः बोहः पा रे सर दो सिदुबोः अः एन दिपिलं दो जान- जेतन हसु नोजोर बांड़ कोय ते बनचाओः लगिड् गे सर दो सिदुबोःअः सर सिदुब लड़का कोल ‘हो’ लिटा बोङसो कोवः उनुरूम (पहचान) एकतियर तना। सिदा अयर काड़ मानमि-दानमि दिपिलं लिटा नेन सर तेगे लड़इ जितिकर लेना अर गोटा दिसुम रे षषन-एकतियारेः हतओ लेडा। एना मेनते कोआ होन रेयो चि कुइ होन रेयो सर सिदुबोः गेया। मरं नरता चि तिकि एड़ः होबायन चनब दो मयं रे हेनदे डोरा ओन्डोः तिइ रे हेन्दे सकोम ते सकोम तइतेयः चोलोन दो मेनः।
स्रोत-Sarjom Sakam
