Ho Kaboy seyan chim meyan
सेंया चि अम दोम मेंया तन ,
जोकाव अम कम चिरगलोः तन।
अंञगे सेंया दोम कजि बाय तन,
बर उटि लेका चिम पडा़वा कन ।
अयर पा दोम दलोबा कन,
चनब पा दोम बुःउआ कन ।
पुराः लेका नइकिनेम सनङ तन,
गुरिः दुबिरे सोनाम नम बा तन।
कजि तेदो येसुम पोटानि तन,
चाँडुः रेंञ ओवःएम मेने तन ।
कुटि पा रेनको चेनाः मेतम तन,
अमः उंयुड् कको बियुरेन तन ?
जियम ततम किङ ओंवा तन,
दिकु बोंगा ककिङ बुजाओः तन।
अम दो येसु गेम राँसाव तन,
उडुः बनोः चिमिन किङ बड् तन।
बर सिं गे अम बिरला बलङेन,
तयोम सिणिगे तम का तइन।
चिमतङ अम गोःए लतोबेन,
हागाम तेको राँसाते दुरं सुसुन।
अमः जाति बितिम हिला तन,
अंञेते ओकोयेम मेने तन ।
अंञ अमः कजिते कंञ सेसेन,
हागा बाला कोलोः अंञ तइन ।
इमिन सेंया अंञ दोञ बइन,
दिसुम रःअ सबेन कजिञ येतोन।
दिकु दो दिकुतेंञ कजिया को,
हो कोदो हो तेंञ कजि जगर को।
अंञाः चिति सबेनेञ येतो को,
हातु मुतिड् हो कोञ बुजाव को।
बुगि को मेतञ चि का रेयो ,
बर तिइते सबेन गेंञ जोवारा को।
दुड़ु – बुधन सिंह हेस्सा:
