चेन: मेन दुप्हुब् दोष्तुर मेनो: तना

 Dupub Dostur

Dupub Dostur दुप्हुब्/आदि/Ancient

💎दुप्हुब दो चेन: ¿??

💎चेन: मेन दुप्हुब् दोष्तुर मेनो: तना ¿??

💎चेन: मेन दुप्हुब दिसुम कजि ओतोङ मेन: मुनुई ते ¿??

✍️✍️✍️✍️मर गा एना बु नेल लेएगे👁️👀

☝️कजि केटे:ए मेन: गेया – “कुदि जं चउलि जं क्ह मेडन क्ह लुतुरन रेयो, कारं चुपि:इ कारं देवां त: रे उदुब केरेन गेया |”

एना मेन दुप्हुब रेय: ओर्तो सोम्जउन लगिड्ते शोब्दो गे जुदि बु हिड्नमेया |
एनरेदो नेन दुप्हुब शोब्दो दो सिरजोन लो’ते सकिया कन नेल नमो: तना |

चिलिका चि सिरजोन रेय: कत्हा लेकाते कजि मेन: |

षिञ्वोङ्गा अय: सिरजोन मुचड लेड् उड़ि नेन संसार रे अइ मा निदा सिङ्गि गमा होबा लेना | गोटा मुलि हेन्दे नुबे: चबा यना | ओते द: ते पईर यना |

एन तयोङ सिरमे यते जुल तन सेंगेल द: रे इयु: यना |

लेन्डड् उपन यना ओड़ो: द: बितरेएते हसा: जे:ए ओल्ल केडा | नेन लेन्डड् जे:ए ओल्ल केड् हसा चि ओते बाह्गा गे तिसिङ Land को मेत: |

ज्ह रेयो नेत: दुप्हुब् चिलिकाते गोड़ोमा सकिया कना एना बु नेलेया |

नेन चिति कोरेय: ओर्तो ठीक एना गे: इंगुल तडा |👇

दुप्हुब् = द: + यु: + पु:उ + ह्यो + यु: + बूउ

चिति ओर्तो
१..द: — द:अ गमा
२..यु: — इयु: लेना
३..पु:उ — ओत् रे ( संसार )
४..ह्यो — ओटं हिजु: लेनते
५..यु: — इयु: लेना
६..बुउ — जुल तन सेंगेल

नेन चिति कोरेय: ओर्तो यो एन सिरजोन मुन्डी रेय: कजि गे: इंगुल केडा |

चि अइ मा द: गमा ते पहड़ि लेन दिसुम ओकोना रे चि जुल तन जोङ सेंगेल इयु: यना |
ओन्डो: सिरजोन एटे:ए रूवे यना|

💍एना गे दुप्हुब दो |

💍एना गे दुप्हुब दिसुम दो

💍एना गे दुप्हुब दोष्तुर दो
नेना चुईलव कगे बोदोलेना |

हो कोल कोरे नेन दुप्हुब रेय: पोरमान एसु बुगि लेका ते नेल नमो:आ |

पोरोब रे वोङ्गा तन दियुरि ओकोन ओकोवा: बइया एना होल़ोंङ अर ससं तेगे: बईया |
चेन: चि
होलोङ दो सेंगेल रेय: प्रतीक
ओन्डो: ससं दो द:अ रेय: प्रतीक गे तना |

💍एना मेन दियुरि वोङ्गाय अयर ते ससं गन्डा तेगे ओकोवा दो:ए बई अयरेया |
चेन: चि द: गे अयर ते तईलेना |
💍एन तयोङ होलोङ ते: बईया |
चेन: चि सेंगेल दो चनब ते इयु: लेना |
(द:हितड्) ससं अर (सेंगेल चि ओते हितड्) ह़ोलोङ ते ओकोवा बई तियारेयन तयोङ दियुरि दोहोमे तेय: कमि को:ए तेरसाया |
नेया गे दुप्हुब् दोष्तुर रेय: मोने दो|